മോഹൻലാൽ ചിത്രങ്ങൾ തുടരെത്തുടരെ നൂറുകോടി ഇരുന്നൂറുകോടി ക്ലബ്ബുകളിൽ സ്ഥാനം പിടിച്ചപ്പോഴും മമ്മൂട്ടി ചിത്രങ്ങൾക്ക് ഈ വിജയം കൈയ്യെത്തിപിടിക്കാൻ ആയിരുന്നില്ല. എന്നാൽ മമ്മൂട്ടി നായകനായ മധുരരാജ ഏറെ കാത്തിരിപ്പിനൊടുവിൽ നൂറുകോടി ക്ലബ്ബിൽ പ്രവേശിച്ചിരിക്കുകയാണ്. മധുരരാജയുടെ ഫേസ്ബുക്ക് പേജിലൂടെയാണ് ഈ വിവരം പുറത്ത് വിട്ടത്. 45 ദിവസങ്ങൾ കൊണ്ടാണ് ഈ നേട്ടം സ്വന്തമാക്കിയതെന്നും 104 കോടിയാണ് ചിത്രത്തിൻ്റെ ആഗോള കളക്ഷൻ തുകയെന്നും അണിയറക്കാര്‍ വ്യക്തമാക്കി.
മലയാളത്തിൻ്റെ മെഗാസ്റ്റാര്‍ മമ്മൂട്ടിയെ നായകനാക്കി സൂപ്പര്‍ഹിറ്റ് സംവിധായകൻ വൈശാഖ് ഒരുക്കിയ 'മധുരരാജ' പത്ത് വര്‍ഷം മുമ്പ് മമ്മൂട്ടിയും പൃഥ്വിരാജും മുഖ്യ വേഷത്തിലെത്തിയ പോക്കിരിരാജയുടെ രണ്ടാം ഭാഗമാണ്. പുലിമുരുകന് വൈശാഖ്-ഉദയ് കൃഷ്ണ-പീറ്റര്‍ ഹെയ്ന്‍ ടീം ഒന്നിക്കുന്ന ചിത്രമാണിത്.
പോക്കിരി രാജയില്‍ പൃഥ്വിരാജായിരുന്നു മമ്മൂട്ടിയുടെ അനിയനായി കൂടെ ഉണ്ടായിരുന്നതെങ്കിൽ ഇക്കുറി തമിഴ് നടന്‍ ജയ് ആണ് മമ്മൂട്ടിക്കൊപ്പമെത്തിയത്. ചിത്രത്തില്‍ ബോളിവുഡ് താരം സണ്ണി ലിയോണിന്‍റെ ഐറ്റം ഡാന്‍സും ഉൾപ്പെടുത്തിയിരുന്നു. അനുശ്രീ, മഹിമ നമ്പ്യാര്‍, ഷംന കാസിം എന്നിവരാണ് ചിത്രത്തിലെ നായികമാര്‍. ഷാജി കുമാറാണ് ക്യാമറ കൈകാര്യം ചെയ്തിരിക്കുന്നത്. ഗോപി സുന്ദറാണ് ചിത്രത്തിലെ ഗാനങ്ങൾക്ക് സംഗീതം പകര്‍ന്നത്.
മലയാളത്തിൻ്റെ മെഗാസ്റ്റാര്‍ മമ്മൂട്ടിയെ നായകനാക്കി സൂപ്പര്‍ഹിറ്റ് സംവിധായകൻ വൈശാഖ് ഒരുക്കിയ 'മധുരരാജ' പത്ത് വര്‍ഷം മുമ്പ് മമ്മൂട്ടിയും പൃഥ്വിരാജും മുഖ്യ വേഷത്തിലെത്തിയ പോക്കിരിരാജയുടെ രണ്ടാം ഭാഗമാണ്. പുലിമുരുകന് വൈശാഖ്-ഉദയ് കൃഷ്ണ-പീറ്റര്‍ ഹെയ്ന്‍ ടീം ഒന്നിക്കുന്ന ചിത്രമാണിത്.
പോക്കിരി രാജയില്‍ പൃഥ്വിരാജായിരുന്നു മമ്മൂട്ടിയുടെ അനിയനായി കൂടെ ഉണ്ടായിരുന്നതെങ്കിൽ ഇക്കുറി തമിഴ് നടന്‍ ജയ് ആണ് മമ്മൂട്ടിക്കൊപ്പമെത്തിയത്. ചിത്രത്തില്‍ ബോളിവുഡ് താരം സണ്ണി ലിയോണിന്‍റെ ഐറ്റം ഡാന്‍സും ഉൾപ്പെടുത്തിയിരുന്നു. അനുശ്രീ, മഹിമ നമ്പ്യാര്‍, ഷംന കാസിം എന്നിവരാണ് ചിത്രത്തിലെ നായികമാര്‍. ഷാജി കുമാറാണ് ക്യാമറ കൈകാര്യം ചെയ്തിരിക്കുന്നത്. ഗോപി സുന്ദറാണ് ചിത്രത്തിലെ ഗാനങ്ങൾക്ക് സംഗീതം പകര്‍ന്നത്.