മമ്മൂട്ടി ചിത്രം 'പരോളി'ന്‍റെ ടീസര്‍ പുറത്ത്

മമ്മൂട്ടി നായകനാകുന്ന ചിത്രം പരോളിന്‍റെ ടീസര്‍ താരം പുറത്തുവിട്ടു. തന്‍റെ ഫേസ്ബുക്ക് പേജിലൂടെയാണ് മമ്മൂട്ടി പരോളിന്‍റെ ടീസര്‍ പുറത്തുവിട്ടത്. ശരത് സന്‍ദിത് സംവിധാനം ചെയ്യുന്ന ചിത്രത്തിന് അജിത് പൂജപ്പുരയാണ് തിരക്കഥ രചിച്ചിരിക്കുന്നത്. ആന‍റണി ഡിക്രൂസാണ് ചിത്രം നിര്‍മിക്കുന്നത്.

ജയില്‍ പശ്ചാത്തലമായുള്ള ചിത്രം യഥാര്‍ത്ഥത്തില്‍ നടന്ന സംഭവങ്ങളുടെ കഥയാണ് പറയുന്നത്. ഇനിയയാണ് ചിത്രത്തിലെ നായിക. മമ്മൂട്ടിയുടെ സഹോദരിയുടെ വേഷത്തില്‍ മിയ എത്തുന്നു. ബാഹുബലിയിലെ കാലകേയനെ അവതരിപ്പിച്ച തെലുങ്കു നടന്‍ പ്രഭാകര്‍, സിദ്ധിഖ്, സുരാജ്, ലാലു അലക്‌സ്, സുധീര്‍ കരമന തുടങ്ങിയവരും ചിത്രത്തിലുണ്ട്.