മമ്മൂട്ടി - രമേശ് പിഷാരടി ചിത്രം 'ഗാനഗന്ധര്‍വ്വനി'ലെ ഉന്തു പാട്ട്

നടൻ മമ്മൂട്ടിയെ നായകനാക്കി രമേശ് പിഷാരടി സംവിധാനം ചെയ്യുന്ന ഗാനഗന്ധര്‍വ്വനിലെ പുതിയ ഗാനം പുറത്ത് വിട്ടു. 'ഉന്ത് പാട്ട്' എന്ന പേരിലുള്ള ഗാനമാണ് അണിയറപ്രവർത്തകർ പുറത്തിറക്കിയത്. സിയ ഉൾ ഹക്കാണ് ഈ ഗാനം ആലപിച്ചിരിക്കുന്നത്. സന്തോഷ് വർമയുടെ വരികൾക്ക് ദീപക് ദേവ് ഈണം നൽകിയിരിക്കുന്നു. തേയിലത്തോട്ടങ്ങൾക്കിടയിലൂടെ കാറിൽ യാത്ര ചെയ്യുന്ന മമ്മൂട്ടിയാണ് ഗാനരംഗങ്ങളിലുള്ളത്.

ചിത്രത്തിൽ ഗാനമേള പാട്ടുകാരനായ കലാസദൻ ഉല്ലാസായാണ് മമ്മൂട്ടി വേഷമിടുന്നത്. ചിത്രത്തിൽ പുതുമുഖം വന്ദിതയാണ് നായിക. രമേഷ് പിഷാരടിയും ഹരി പി നായരും ചേർന്നാണ് ചിത്രത്തിന് കഥയും തിരക്കഥയും സംഭാഷണവും ഒരുക്കിയിരിക്കുന്നത്. മുകേഷ്, ഇന്നസെൻ്റ്, സിദ്ദീഖ്, സലിം കുമാര്‍, ധര്‍മജന്‍ ബോള്‍ഗാട്ടി, ഹരീഷ് കണാരന്‍, മനോജ് കെ ജയന്‍, സുരേഷ് കൃഷ്ണ, മണിയന്‍ പിള്ള രാജു, കുഞ്ചന്‍, അശോകന്‍, സുനില്‍ സുഖദ, അതുല്യ, ശാന്തി പ്രിയ തുടങ്ങി വലിയൊരു താരനിര തന്നെ ചിത്രത്തിൽ പ്രധാന വേഷങ്ങളില്‍ എത്തുന്നു.

Also Read: മമ്മൂട്ടി സിനിമയിലെത്തിയിട്ട് 48 വ‍ര്‍ഷം

അഴകപ്പന്‍ ഛായാഗ്രഹണവും ലിജോ പോള്‍ എഡിറ്റിങ്ങും നിര്‍വഹിക്കുന്ന ഗാനഗന്ധര്‍വന് സംഗീതമൊരുക്കുന്നത് ദീപക് ദേവാണ്. ഇച്ചായീസ് പ്രൊഡക്ഷന്‍സും രമേഷ് പിഷാരടി എന്‍റര്‍ടെയ്ൻമെന്‍റ്സും ചേര്‍ന്നൊരുക്കുന്ന ഗാനഗന്ധര്‍വന്‍റെ നിര്‍മാണം ശ്രീലക്ഷ്മി, ശങ്കര്‍ രാജ്, സൗമ്യ രമേഷ് എന്നിവര്‍ ചേര്‍ന്നാണ് നിര്‍വ്വഹിക്കുന്നത്.

Also Read: 'കലാസദന്‍ ഉല്ലാസാ'യി മമ്മൂക്കയുടെ പകര്‍ന്നാട്ടം

ജയറാമിനെ നായകനാക്കി ഒരുക്കിയ പഞ്ചവർണ്ണതത്തയായിരുന്നു രമേഷ് പിഷാരടി സംവിധാനം ചെയ്ത ആദ്യത്തെ ചിത്രം. സിനിമയുടെ ട്രെയിലർ മമ്മൂട്ടിയുടെ ജന്മദിനമായ സെപ്റ്റംബർ ഏഴിനാണ് പുറത്തുവിട്ടിരുന്നത്.