നിർവികാരതയോടെയുള്ള കണ്ണുകൾ, ആരേയും കൂസാത്തെ മുഖം, എന്തിനും പോന്ന മൈൻഡ്, റഫ് ആൻഡ് ടഫ് ലുക്ക്... മമ്മൂട്ടിയുടെ സിനിമാ ജീവിതത്തിലെ ഏറ്റവും സ്റ്റൈലിഷ് കഥാപാത്രമായിരുന്നു ബിഗ് ബി എന്ന സിനിമയിലെ ബിലാൽ ജോൺ കുരിശിങ്കൽ എന്ന കഥാപാത്രം. 2007 ല് പുറത്തിറങ്ങിയ ‘ബിഗ് ബി’യുടെ രണ്ടാം ഭാഗം വരുന്നതായി അടുത്തിടെ റിപ്പോർട്ടുകളുണ്ടായിരുന്നു. ബിഗ് ബി ഒരുക്കിയ അമല് നീരദ് തന്നെയാണ് ബിലാൽ എന്നു പേരിട്ടിരിക്കുന്ന രണ്ടാം ഭാഗവുമായെത്തുന്നത്. ഇപ്പോഴിതാ ആരാധകരെ ആവേശത്തിലാഴ്ത്തിക്കൊണ്ട് ചിത്രത്തിന്റെ അണിയറജോലികൾ പുരോഗമിച്ചുകൊണ്ടിരിക്കുകയാണ് എന്ന റിപ്പോർട്ടാണ് വന്നിരിക്കുന്നത്.
Also Read: മലയാള സിനിമയുടെ കിലുക്കാം പെട്ടി പ്രേക്ഷകരെയൊട്ടാകെ നൊമ്പരപ്പെടുത്തിയിട്ട് നാല് വര്ഷം!
ബിഗ് ബിയുടെ സംഗീത സംവിധായകൻ ഗോപി സുന്ദർ തന്നെയാണ് ഇത്തരത്തിലൊരു ഫേസ്ബുക്ക് പോസ്റ്റ് പങ്കുവെച്ചിരിക്കുന്നത്. സംവിധായകൻ അമൽ നീരദിനൊപ്പമുള്ള ചിത്രം പങ്കുവെച്ചുകൊണ്ട് ഞങ്ങളുടെ ബിലാലിനായി ഞാനും അമലും വീണ്ടും, എല്ലാവരുടെയും പ്രാർഥനകൾ വേണമെന്നുമാണ് ഗോപി സുന്ദർ ഫേസ്ബുക്ക് പോസ്റ്റിൽ കുറിച്ചിരിക്കുന്നത്. ഇതോടെ ‘ബിലാൽ’ ഷൂട്ടിങ് ഉടൻ ആരംഭിക്കുകയാണെന്ന സൂചനയും ലഭിച്ചിരിക്കുകയാണ്.
അടുത്തിടെ ഗാനഗന്ധർവ്വൻ സിനിമയുടെ റിലീസുമായി ബന്ധപ്പെട്ട് നടത്തിയ ഫേസ്ബുക്ക് ലൈവിൽ ഒരു ആരാധകന്റെ ചോദ്യത്തിന് മറുപടിയായി ‘ബിലാല് വരും, ബിലാലിന്റെ തയ്യാറെടുപ്പുകള് നടക്കുകയാണ്’ എന്ന് മമ്മൂട്ടി മറുപടി നൽകിയതോടെയാണ് ബിലാലിനെ കുറിച്ചുള്ള ചർച്ചകള്ക്ക് ചൂടുപിടിച്ചത്.
Also Read: അഭിമാന നിമിഷം പങ്കിട്ട് മഞ്ജു!, ജയ ബച്ചനും അമിതാഭ് ബച്ചനുമൊപ്പം താരം!; വീണ്ടും ചെറുപ്പമായല്ലോ എന്ന് ആരാധകര്!
ഹോളിവുഡ് ചിത്രം ഫോർ ബ്രദേഴ്സിന്റെ റീമേക്കായി ഉണ്ണി ആറിന്റെ രചനയിൽ ഇറങ്ങിയ ബിഗ് ബിയിൽ മമ്മൂട്ടിക്കൊപ്പം മനോജ് കെ.ജയന്, ബാല, മംമ്ത എന്നിവരും മുഖ്യ കഥാപാത്രങ്ങളായെത്തിയിരുന്നു. ബിലാൽ എന്ന സിനിമയിൽ ഇനി ആരൊക്കെയുണ്ട് എന്നാണ് കാത്തിരുന്ന് കാണേണ്ടത്. ബിഗ് ബിയിലെ ഹിറ്റായ തീം സോങ് യോ ബിഗ് ബി എന്ന പാട്ടിന്റെ യൂട്യൂബ് ലിങ്ക് പങ്കുവെച്ചുകൊണ്ട് എല്ലാവർക്കുമുള്ള ചായയും വടയും ഓൺ ദി വേയാണ് എന്ന് ഗോപി ഫേസ്ബുക്കിൽ കുറിച്ചിട്ടുമുണ്ട്.
Also Watch :
Also Read: മലയാള സിനിമയുടെ കിലുക്കാം പെട്ടി പ്രേക്ഷകരെയൊട്ടാകെ നൊമ്പരപ്പെടുത്തിയിട്ട് നാല് വര്ഷം!
അടുത്തിടെ ഗാനഗന്ധർവ്വൻ സിനിമയുടെ റിലീസുമായി ബന്ധപ്പെട്ട് നടത്തിയ ഫേസ്ബുക്ക് ലൈവിൽ ഒരു ആരാധകന്റെ ചോദ്യത്തിന് മറുപടിയായി ‘ബിലാല് വരും, ബിലാലിന്റെ തയ്യാറെടുപ്പുകള് നടക്കുകയാണ്’ എന്ന് മമ്മൂട്ടി മറുപടി നൽകിയതോടെയാണ് ബിലാലിനെ കുറിച്ചുള്ള ചർച്ചകള്ക്ക് ചൂടുപിടിച്ചത്.
Also Read: അഭിമാന നിമിഷം പങ്കിട്ട് മഞ്ജു!, ജയ ബച്ചനും അമിതാഭ് ബച്ചനുമൊപ്പം താരം!; വീണ്ടും ചെറുപ്പമായല്ലോ എന്ന് ആരാധകര്!
Also Watch :