'വൺ' പുത്തൻ പോസ്റ്ററിൽ കലിപ്പായി മമ്മൂട്ടിയും ജോജുവും മുരളി ഗോപിയും

മമ്മൂട്ടി കടയ്ക്കൽ ചന്ദ്രൻ എന്ന മുഖ്യമന്ത്രി കഥാപാത്രമായി എത്തുന്ന ചിത്രമായ വൺ സിനിമയുടെ പുത്തൻ പോസ്റ്റർ പുറത്ത്. മമ്മൂട്ടിക്ക് പുറമെ ജോജു ജോര്‍ജ്ജ്, മുരളി ഗോപി എന്നിവരാണ് പോസ്റ്ററിലുള്ളത്. ബോബി - സഞ്‌ജയ് തിരക്കഥയൊരുക്കുന്ന സിനിമയുടെ സംവിധാനം നിര്‍വ്വഹിക്കുന്നത് സന്തോഷ് വിശ്വനാഥാണ്. ചിത്രത്തിന്‍റേതായി ഇതിനകം പുറത്തിറങ്ങിയിരിക്കുന്ന പോസ്റ്ററുകള്‍ക്കെല്ലാം വൻ സ്വീകാര്യതയാണ് ലഭിച്ചിട്ടുള്ളത്.

Also Read: നിങ്ങൾക്കും കേരള മുഖ്യമന്ത്രിയാവാം; അവസരമൊരുക്കി മമ്മൂട്ടിയുടെ 'വൺ'

മമ്മൂട്ടിയുടെ ഔദ്യോഗിക ഫേസ്ബുക്ക് പേജിലൂടെയാണ് പുത്തൻ പോസ്റ്റർ പുറത്തു വിട്ടിരിക്കുന്നത്. സംവിധായകൻ രഞ്ജിത്ത് ശങ്കർ, ജോജു, മുരളി ഗോപി, ശ്രീനിവാസന്‍, ബാലചന്ദ്രമേനോന്‍, രഞ്ജിത്ത്, മാമുക്കോയ, സലീംകുമാര്‍, സുരേഷ് കൃഷ്ണ, ശങ്കര്‍ രാമകൃഷ്ണന്‍, സുദേവ് നായര്‍, വിഷ്ണു ഉണ്ണിക്കൃഷ്ണന്‍, നിമിഷ സജയന്‍, ഗായത്രി അരുണ്‍, കൃഷ്ണകുമാര്‍ തുടങ്ങി നിരവധി താരങ്ങള്‍ ചിത്രത്തിൽ അഭിനയിക്കുന്നുണ്ട്.

Also Read: 'ഉയിരിൽ തൊടും' ഗായിക, 'കല്യാണി'യുടെ ശബ്‍ദം; ആൻ ആമി മനസ് തുറക്കുന്നു

നടൻ കൃഷ്ണകുമാറിന്‍റെ മകളും നടി അഹാനയുടെ സഹോദരിയുമായ ഇഷാനി കൃഷ്ണയും ചിത്രത്തിൽ പ്രധാന വേഷത്തിൽ എത്തുന്നുണ്ട്. കൂടാതെ മിനി സ്ക്രീൻ താരമായ ഗായത്രി അരുണും ചിത്രത്തിലുണ്ട്. വിഷു റിലീസായിട്ടാണ് ചിത്രം തിയേറ്ററുകളിൽ എത്താനായി ഒരുങ്ങുന്ത്. ചിത്രീകരണത്തിനിടെ മമ്മൂട്ടി കേരള മുഖ്യമന്ത്രി പിണറായി വിജയനെ സന്ദർശിക്കാനെത്തിയത് വാർത്തകളിൽ ഇടം നേടിയിരുന്നു. മമ്മൂട്ടി ഇത് മൂന്നാം തവണയാണ് മുഖ്യമന്ത്രി വേഷത്തിൽ അഭിനയിക്കുന്നത്.

Also Watch :