മമ്മൂട്ടി-സീനു രാമസ്വാമി ചിത്രം ഒരുങ്ങുന്നു?

മോഹൻലാലിനു പുറകേ മമ്മൂട്ടിയും തന്‍റെ പുതിയ അന്യഭാഷാ ചിത്രത്തിനൊരുങ്ങുന്നു. തമിഴിൽ റാംമിനൊപ്പം 'പേരൻപ്' എന്ന ചിത്രത്തിൽ മമ്മൂട്ടി അഭിനയിക്കുന്നുണ്ട് .എന്നാൽ ഇതിനു ശേഷം സംവിധായകൻ സീനു രാമസ്വാമിയുടെ തമിഴ് ചിത്രത്തിൽ കൂടി താരം അഭിനയിച്ചേക്കും എന്നാണ് റിപ്പോർട്ട്.

ജോണി ആന്‍റണി സംവിധാനം ചെയ്യുന്ന 'തോപ്പിൽ ജോപ്പന്‍റെ' ഷൂട്ടിങ്ങ് തിരക്കിലാണ് ഇപ്പോള്‍ മമ്മൂട്ടി. ഇതിന് ശേഷമായിരിക്കും തമിഴ് ചിത്രത്തിന്‍റെ ഷൂട്ടിങ്ങ്.ചിത്രത്തിന്‍റെ മറ്റ് വിവരങ്ങള്‍ ചെന്നൈയിൽ വച്ച് താരം തന്നെ ഒൗദ്യോഗികമായി പ്രഖ്യാപിക്കുമെന്ന് അണിയറ പ്രവർത്തകർ പറഞ്ഞു.