കോട്ടയം കുഞ്ഞച്ചന്‍റെ കാര്യം അങ്ങനെ ഒരു തീരുമാനമായി!

മമ്മൂട്ടി തകര്‍ത്ത 'കോട്ടയം കുഞ്ഞച്ചന്‍' സിനിമയുടെ രണ്ടാം ഭാഗത്തിന്‍റെ പേരില്‍ ഉണ്ടായിരുന്ന എല്ലാ പ്രശ്നങ്ങളും തീര്‍ന്നു. സിനിമയുടെ രണ്ടാം ഭാഗം ഉടന്‍ തന്നെ പ്രേക്ഷകര്‍ക്ക് മുന്നിലെത്തുമെന്ന വിവരം നിര്‍മ്മാതാവ് വിജയ്‌ ബാബു ഫെയ്‌സ്ബുക്കിലൂടെ ആരാധകരുമായി പങ്കുവെച്ചു.

'കോട്ടയം കുഞ്ഞച്ചൻ രണ്ട്' എന്ന സിനിമയുടെ കോപ്പി റൈറ്റ്സും മറ്റു അനുമതികളും സംബന്ധിച്ച് ഉണ്ടായിരുന്ന അഭിപ്രായ വ്യത്യാസങ്ങൾ എല്ലാം ക്രിയാത്മകമായ ചർച്ചയിലൂടെ പരിഹരിച്ചതായും വിജയ് ബാബു പറഞ്ഞു.

മുമ്പ് പ്രഖ്യാപിച്ചപോലെ തന്നെ ‘കോട്ടയം കുഞ്ഞച്ചൻ രണ്ട്’ എന്ന പേരിൽ തന്നെയായിരിക്കും ചിത്രം പുറത്തിറങ്ങുകയെന്നും മമ്മൂട്ടി തന്നെയാകും കോട്ടയം കുഞ്ഞച്ചൻ എന്ന ടൈറ്റിൽ കഥാപാത്രമായി പ്രേക്ഷകര്‍ക്ക് മുന്നിലെത്തുകയെന്ന് വിജയ് ബാബു പറയുന്നു. വിജയ് ബാബുവാണ് ചിത്രം നിര്‍മ്മിക്കുന്നത്.