മമ്മൂട്ടിയുടെ മാമാങ്കം: ആദ്യ ഷെഡ്യൂള്‍ പൂര്‍ത്തിയായി

മെഗാ സ്റ്റാര്‍ മമ്മൂട്ടി ചേകവനായി എത്തുന്ന ബിഗ് ബജറ്റ് ചിത്രം മാമാങ്കത്തിന്റെ ആദ്യ ഷെഡ്യൂള്‍ മംഗലാപുരത്ത് പൂര്‍ത്തിയായി. 50 കോടിയോളം ചെലവു പ്രതീക്ഷിക്കുന്ന ചിത്രം തമിഴ്, തെലുങ്ക്, ഹിന്ദി, ഇംഗ്ലീഷ് എന്നീ ഭാഷകളില്‍ മൊഴിമാറ്റും.

മലേഷ്യ, ഇന്തൊനീഷ്യ എന്നിവിടങ്ങളിലും റിലീസ് ഉണ്ടാകും. 50 ദിവസത്തോളം നീളുന്ന പ്രധാന ഷെഡ്യൂളില്‍ എറണാകുളത്ത് സെറ്റിട്ടാണ് ചിത്രീകരണം നടത്തുക. സജീവ് പിള്ള സംവിധാനം ചെയ്യുന്ന ചിത്രത്തില്‍ നാലു ഗെറ്റപ്പുകളിലാണ് മമ്മൂട്ടി എത്തുന്നത്. നീരജ് മാധവും ആദ്യ ഷെഡ്യൂളില്‍ ഭാഗമായിരുന്നു.