മമ്മൂക്കയുടെ കിടിലൻ മാസ് 'മാസ്റ്റ‍ര്‍ പീസ്' സെൽഫി

മാസ്റ്റ‍ര്‍ പീസ് സിനിമയുടെ ഷൂട്ടിങ് ലൊക്കേഷനിൽ നിന്നുള്ള മമ്മൂക്കയുടെ കിടിലൻ മാസ് സെൽഫി വൈറലാകുന്നു. സിനിമയിൽ ഉള്ള എല്ലാവരും അടങ്ങുന്ന മാസ് സെൽഫിയാണ് ഇപ്പോൾ വൈറലാകുന്നത്. ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്ന സന്തോഷ് പണ്ഡിറ്റ്, കൈലാഷ്, മുകേഷ്, ഉണ്ണി മുകുന്ദൻ ബിജുക്കുട്ടൻ, സാജു നവോദയ, കലാഭവൻ ഷാജോണ്‍, നന്ദു, വരലക്ഷ്മി എന്നിവര്‍ സെൽഫിയിലുണ്ട്.




രാജാധി രാജ എന്ന സൂപ്പര്‍ ഹിറ്റ് ചിത്രത്തിന് ശേഷം മമ്മൂട്ടിയെ നായകനാക്കി അജയ് വാസുദേവ് സംവിധാനം ചെയ്യുന്ന സിനിമയാണ് മാസ്റ്റര്‍ പീസ്. മാസറ്റര്‍ ഓഫ് മാസെസ് എന്ന ടാഗ് ലൈനോടെയാണ് ചിത്രം എത്തുന്നത്. കുഴപ്പക്കാരായ കുട്ടികള്‍ പഠിക്കുന്ന കോളേജിലേക്ക് എത്തുന്ന കുഴപ്പക്കാരനായ എഡ്വേര്‍ഡ് ലിവിംഗ്സ്റ്റണ്‍ എന്ന ഇംഗ്ലീഷ് പ്രഫസറെയാണ് മമ്മൂട്ടി ചിത്രത്തില്‍ അവതരിപ്പിക്കുന്നത്. മമ്മൂട്ടിക്കൊപ്പം മുഴുനീള കഥാപാത്രത്തെ അവതരിപ്പിച്ചുകൊണ്ട് സന്തോഷ് പണ്ഡിറ്റ് മുഖ്യധാര സിനിമയിലേക്ക് പ്രവേശിക്കുന്ന ചിത്രം കൂടെയാണ് മാസ്റ്റര്‍ പീസ്. ഉണ്ണി മുകുന്ദന്‍, വരലക്ഷ്മി ശരത്കുമാര്‍ എന്നിവര്‍ പോലീസ് വേഷത്തിലും ചിത്രത്തിലെത്തുന്നു.

പുലിമുരുകന് ശേഷം ഉദയകൃഷ്ണ തിരക്കഥ എഴുതുന്ന ചിത്രമാണ് ഇത്. കൊല്ലം ഫാത്തിമ കോളേജ് പ്രധാന ലൊക്കേഷനാകുന്ന ഈ ബിഗ് ബജറ്റ് ചിത്രം റോയല്‍ സിനിമാസിന്റെ ബാനറില്‍ സിഎച്ച് മുഹമ്മദാണ് നിര്‍മിക്കുന്നത്. വിനോദ് ഇല്ലംപള്ളി ക്യാമറ നിര്‍വഹിച്ച് ദീപക് ദേവ് സംഗീതമൊരുക്കുന്ന ചിത്രം പൂജ അവധിക്കാണ് തിയ്യേറ്ററിലെത്തുക.

Mammootty's Mass Selfie

Mammootty's Mass Selfie from the location of Master piece