ക്ലാസ് ആൻഡ് സ്റ്റൈലിഷ്; 'ഷൈലോക്കി'ന്‍റെ ഫസ്റ്റ് ലുക്ക്

'രാജാധിരാജ', 'മാസ്റ്റ‍ർ പീസ്' എന്നീ ചിത്രങ്ങള്‍ക്ക് ശേഷം അജയ് വാസുദേവ് മമ്മൂട്ടിയെ നായകനാക്കി സംവിധാനം ചെയ്യുന്ന ഷൈലോക്കിന്‍റെ ഫസ്റ്റ്ലുക്ക് പോസ്റ്റർ പുറത്ത്. പലിശക്കാരനായാണ് മമ്മൂട്ടി 'ഷൈലോക്കി'ല്‍ എത്തുന്നത്. എറണാകുളത്ത് ഷൂട്ടിംഗ് നടക്കുന്ന ചിത്രത്തില്‍ തമിഴ് താരം രാജ് കിരണും പ്രധാന വേഷത്തിൽ അഭിനയിക്കുന്നുണ്ട്. കറുപ്പും കറുപ്പും അണിഞ്ഞ് വേറിട്ട ഗെറ്റപ്പിലാണ് ഒരു പ്രതിനായക പരിവേഷത്തിൽ മമ്മൂക്കയുടെ വേഷം.

Also Read: മമ്മൂട്ടി - അജയ് വാസുദേവ് ചിത്രത്തിൻ്റെ ടൈറ്റിൽ പുറത്ത്; 'ഷൈലോക്ക്' ഒരുങ്ങുന്നു


Also Read: 'ഷൈലോക്കിൽ ഞാനാണ് വില്ലൻ; ഹീറോ രാജ് കിരൺ സാറാണ്': മമ്മൂട്ടി

ചിത്രത്തിലെ മമ്മൂട്ടിയുടെ സ്റ്റൈലിഷ് ഫസ്റ്റ് ലുക്ക് ഔദ്യോഗികമായി അണിയറപ്രവര്‍ത്തകര്‍ പുറത്തുവിട്ടിരിക്കുകയാണ്. മമ്മൂട്ടിയുടെ ജന്മദിനത്തിലാണ് ഇത് പുറത്തുവന്നിരിക്കുന്നത്. മീനയാണ് ചിത്രത്തിലെ നായിക. മലയാളത്തിനൊപ്പം തമിഴിലും ചിത്രം ഒരുക്കുന്നുണ്ട്. തിരക്കഥാകൃത്തും നടനുമായ ബിബിന്‍ ജോര്‍ജും പ്രധാന വേഷത്തിൽ ചിത്രത്തിലുണ്ട്.

Also Read: 'ചീത്ത പറയുമെന്ന് കരുതി; പക്ഷേ മമ്മൂക്ക കഥകേട്ടു'

ഒരു മാസ് എന്റര്‍ടെയ്‌നറായി ഒരുങ്ങുന്ന ചിത്രം ഗുഡ്‌വില്‍ എന്‍റര്‍ടെയ്ൻമെന്‍റ്സാണ് നിര്‍മ്മാണം.
നവാഗതരായ ബിപിന്‍ മോഹനും അനീഷ് ഹമീദും ചേര്‍ന്നാണ് ചിത്രത്തിന്‍റെ തിരക്കഥ ഒരുക്കിയിരിക്കുന്നത്. വലിയ ക്യാൻവാസിലൊരുങ്ങുന്ന ചിത്രത്തിൽ നിരവധി താരങ്ങള്‍ അണിനിരക്കുന്നുണ്ട്.