Yatra Movie: ആന്ധ്രാ മുഖ്യനായി മമ്മൂട്ടി, വിതരണവകാശം ആൻ്റോ ജോസഫിന്

മമ്മൂട്ടിയുടെ തെലുങ്ക് ചിത്രം യാത്രയുടെ വിതണവകാശം ആൻ്റോ ജോസഫിന്. അന്തരിച്ച ആന്ധ്രാ മുഖ്യമന്ത്രി വൈ എസ് രാജശേഖര റെഡ്ഡിയായാണ് മമ്മൂട്ടി തെലുങ്കിൽ മാസ് റീ എൻട്രി നടത്തുന്നത്. ഡിസംബര്‍ 21ന് ചിത്രം റിലീസ് ചെയ്യും. മഹി വി രാഘവ് സംവിധാനം ചെയ്യുന്ന ചിത്രത്തിൻ്റെ വിതരണാവകാശം 'ആൻ്റോ ജോസഫ് ഫിലിം കമ്പനി'യാണ് സ്വന്തമാക്കിയത്.

ആഗോള വിപണികളിലെ വിതരണാവകാശം യുഎഇ ആസ്ഥാനമായ ഫാര്‍സ് ഫിലിം കമ്പനിയുടേതാണ്. വൈഎസ്‌ആറിന്റെ മൂന്നു മാസം നീണ്ട പദയാത്രയാണ് ചിത്രത്തിൻ്റെ ഹൈലൈറ്റ്. പ്രമുഖ നര്‍ത്തകി ആശ്രിത വൈമുഗതിയാണ് ഭാര്യ വേഷത്തിലെത്തുന്നത്. മകളായി ഭൂമിക ചൗളയും അഭിനയിക്കുന്നു. വൈഎസ്‌ആറിൻ്റെ മന്ത്രിസഭ അംഗമായ സബിത ഇന്ദ്ര റെഡ്ഡിയായി സുഹാസിനിയും ചിത്രത്തിലെത്തുന്നുണ്ട്.