തോപ്പില്‍ ജോപ്പനൊപ്പം മംമ്ത മോഹന്‍ദാസ്

'തോപ്പില്‍ ജോപ്പനി'ൽ മംമ്താ മോഹന്‍ദാസ് മമ്മൂട്ടിയോടൊപ്പം അഭിനയിക്കുന്നു. മെഡിക്കല്‍ വിദ്യാര്‍ത്ഥിനിയുടെ റോളിലാണ് മംമ്തയെത്തുന്നത്. 'ഓര്‍ഡിനറി','മധുരനാരങ്ങ' എന്നീ സിനിമകളുടെ രചയിതാവ് നിഷാദ് കോയ തിരക്കഥയെഴുതുന്ന ചിത്രം ജോണി ആന്റണിയാണ് സംവിധാനം ചെയ്യുന്നത്.



തോപ്രാംകുടിയിലെ പ്ലാന്ററും കബഡികളിക്കാരനുമായ ജോപ്പന്റെ റോളിലാണ് മമ്മൂട്ടി. ആന്‍ഡ്രിയ ജെര്‍മിയയാണ് മറ്റൊരു നായിക. വര്‍ഷം എന്ന സിനിമയ്ക്ക് ശേഷം മംമ്ത മമ്മൂട്ടിക്കൊപ്പം അഭിനയിക്കുന്ന ചിത്രവുമാണ് 'തോപ്പില്‍ ജോപ്പന്‍'. മമ്മൂട്ടിയോടൊപ്പം വീണ്ടുമഭിനയിക്കുന്നതിലുള്ള സന്തോഷം മംമ്ത ഫേസ്ബുക്കിൽ പങ്കുവെച്ചു.