'ഫോറൻസികി'ൽ മംമ്ത റിതിക സേവ്യർ ഐപിഎസ്; ക്യാരക്ടര്‍ പോസ്റ്റർ

നടൻ ടൊവിനോ തോമസ് കേന്ദ്രകഥാപാത്രമായെത്തുന്ന 'ഫോറൻസിക്' എന്ന സിനിമയിലെ മംമ്തയുടെ കഥാപാത്രത്തിന്‍റെ ക്യാരക്ടറ്റ പോസ്റ്റർ പുറത്തിറങ്ങി. സെവൻത് ഡേയുടെ തിരക്കഥാകൃത്തായ അഖില്‍ പോള്‍, നവാഗതനായ അനസ് ഖാന്‍ എന്നിവര്‍ ഒരുക്കുന്ന ചിത്രം ഒരു ഫോറൻസിക് സര്‍ജന്‍റെ ജീവിതകഥയാണ് പറയുന്നത്. ചിത്രത്തിൽ കമ്മീഷണറായാണ് മംമ്തയെത്തുന്നത്. റിതിക സേവ്യര്‍ ഐപിഎസ് എന്നാണ് കഥാപാത്രത്തിന്‍റെ പേര്. ഒരു കുറ്റകൃത്യത്തിന്‍റെ ശാസ്ത്രം എന്ന വിവരണത്തോടെയായിരുന്നു ചിത്രത്തിന്‍റെ ഫസ്റ്റ് ലുക്ക് ടൊവിനോ തന്നെ തന്‍റെ ഫേസ്ബുക്ക് പേജിലൂടെ മുമ്പ് പങ്കുവെച്ചിരിക്കുന്നത്. ക്യാരക്റ്റര്‍ പോസ്റ്ററും ടൊവിനോ തന്നെയാണ് പുറത്തുവിട്ടിരിക്കുന്നത്.

Also Read: 'ഈ ഫ്ലാറ്റിന് മുകളിലായിരുന്നു അന്ന് മോഹൻലാലിന്‍റെ ആദ്യ ഷോട്ടെടുത്തത്': മേജര്‍ രവി


ടൊവിനോ ഫോറന്‍സിക് ഉദ്യോഗസ്ഥന്‍റെ വേഷത്തിലാണ് ചിത്രത്തില്‍ എത്തുന്നത്. മംമ്തയാണ് ചിത്രത്തിൽ നായിക. സാമുവല്‍ ജോണ്‍ കാട്ടൂക്കാരന്‍ എന്നാണ് ചിത്രത്തില്‍ ടൊവിനോ അവതരിപ്പിക്കുന്ന കഥാപാത്രത്തിന് പേര്. അഖില്‍ പോളും അനസ് ഖാനും ചേര്‍ന്നാണ് ചിത്രത്തിനായി തിരക്കഥ എഴുതിയിരിക്കുന്നത്.

Also Read: പള്ളീലച്ചനായി മമ്മൂക്ക; അടിമുടി ദുരൂഹതയുമായി മമ്മൂട്ടി-മഞ്ജു വാര്യര്‍ ചിത്രത്തിന്‍റെ ഫസ്റ്റ് ലുക്ക് പോസ്റ്റർ

ടൊവിനോയ്‌ക്കൊപ്പം നിരവധി കുട്ടികളും ചിത്രത്തിൽ അഭിനയിക്കുന്നുണ്ട്. കാസ്റ്റിംങ് കോള്‍ വഴി തെരഞ്ഞെടുത്ത 17 പുതുമുഖങ്ങളായ കുട്ടികള്‍ ചിത്രത്തിലുണ്ട്. നെവിസ് സേവ്യര്‍, സിജു മാത്യു എന്നിവരുടെ സംയുക്ത സംരംഭമായ ജുവിസ് പ്രൊഡക്ഷൻസും രാജു മല്യത്തിന്‍റെ രാഗം മൂവീസും ചേര്‍ന്നാണ് ചിത്രത്തിന്റെ നിര്‍മ്മാണ നിര്‍വ്വഹണം. അഖില്‍ ജോര്‍ജാണ് ചിത്രത്തിന്‍റെ ഛായാഗ്രഹണം. ജെയ്ക്‌സ് ബിജോയ് ആണ് ചിത്രത്തിൽ ഗാനങ്ങൾക്ക് സംഗീതം നൽകിയിരിക്കുന്നത്.

Also Watch :