മറഞ്ഞത് നാടൻ പാട്ടുകളുടെ ഉസ്താദ്

മിമിക്രിക്കൊപ്പം നാടൻ പാട്ടുകളിലും തന്‍റേതായ വ്യക്തിമുദ്ര പതിപ്പിച്ച ജനകീയ കലാകാരനാണ് കലാഭവൻ മണിയെന്ന വ്യക്തിത്വം. അവതരണം, ആലാപനം എന്നിവയിലും കഴിവ് തെളിയിച്ചു അദ്ദേഹം. കേരളത്തിലെ നാട്ടിൻപുറങ്ങളിൽ പാടി പ്രചരിച്ചിരുന്ന നാടൻ പാട്ടുകളും പുതിയ തലമുറയിലെ സിനിമാ സംഗീതത്തിനു സമാന്തരമായി ശ്രീ അറുമുഖൻ വെങ്കിടങ്ങ്‌ എഴുതിയ നാടൻ വരികളും നാടൻ ശൈലിയിൽത്തന്നെ അവതരിപ്പിച്ചായിരുന്നു മണി ജന ശ്രദ്ധ പിടിച്ചുപറ്റിയത്‌. നിരവധി സ്റ്റേജ് ഷോകളിലൂടെയും പ്രശസ്തനാണ്.
ആ പരലീ പരലീ, ആക്രാന്തം കാട്ടേണ്ട, അമ്മായീടെ, ചന്ദനമെന്തിനാ, കണ്ണിമാങ്ങാ പ്രായത്തിൽ, കുഞ്ഞുന്നാളിൽ, മിന്നാമിനുങ്ങേ, മുത്തപ്പൻ കാവിലെ, ഓടപ്പഴം, ഓടേണ്ടാ ഓടേണ്ടാ, പകലു മുഴുവൻ, പുഞ്ചപ്പാടത്തെ, തന്നാനേ താനേ, തന്തിനധിന, ഉമ്മായി കുച്ചാണ്ടി, വരാന്ന് പറഞ്ഞിട്ട് ചേട്ടൻ, വരിക്കച്ചക്കേടെ തുടങ്ങി മണി പ്രശസ്തമാക്കിയ നാടൻ പാട്ടുകളേറെയുണ്ട്.