'ഓട്ടോറിക്ഷക്കാരന്‍റെ ഭാര്യ'യാവാൻ മഞ്ജു; സുരാജിന്‍റെ നായിക

സുരാജ് വെഞ്ഞാറമൂടും മഞ്ജു വാര്യരും ആദ്യമായി നായകനും നായികയുമാകുന്ന ചിത്രം അണിയറയിൽ ഒരുങ്ങുന്നു. കഥാകൃത്ത് എം മുകുന്ദന്‍റെ "ഓട്ടോറിക്ഷക്കാരന്‍റെ ഭാര്യ" എന്ന കഥയെ ആസ്പദമാക്കി ഒരുങ്ങുന്ന ചിത്രത്തിലാണ് ആദ്യമായി ഇവ‍‍‍ര്‍ നായികാ നായകന്മാരായി ഒരുമിക്കുന്നത്.

Also Read: മലയാള സിനിമയുടെ കിലുക്കാം പെട്ടി പ്രേക്ഷകരെയൊട്ടാകെ നൊമ്പരപ്പെടുത്തിയിട്ട് നാല് വര്‍ഷം!

ഹരികുമാറാണ് ചിത്രം സംവിധാനം ചെയ്യുന്നത്. എം. മുകുന്ദന്‍ തന്നെയാണ് ചിത്രത്തിന്‍റെ തിരക്കഥ ഒരുക്കുന്നത്. വളരെ അലസമായി ജീവിതം നയിക്കുന്ന കുഴിമടിയനായ ഒരു ഓട്ടോ തൊഴിലാളിയായ സജീവൻ എന്ന കഥാപാത്രമായാണ് സുരാജ് ചിത്രത്തിൽ എത്തുന്നത്. സജീവന്‍റെ ഭാര്യയായ രാധിക എന്ന കഥാപാത്രത്തെയാണ് മഞ്ജു വാര്യര്‍ ചിത്രത്തിൽ അവതരിപ്പിക്കുന്നത്.

Also Read: അഭിമാന നിമിഷം പങ്കിട്ട് മഞ്ജു!, ജയ ബച്ചനും അമിതാഭ് ബച്ചനുമൊപ്പം താരം!; വീണ്ടും ചെറുപ്പമായല്ലോ എന്ന് ആരാധക‍ര്‍!

ഇരുവർക്കും നിരവധി അഭിനയമുഹൂർത്തങ്ങളുള്ള ഒരു ചിത്രമായിരിക്കും ഇതെന്നാണ് സൂചന. സജീവന്‍റേയും രാധികയുടേയും വിവാഹത്തിന് ശേഷം അവരുടെ ജീവിതത്തില്‍ സംഭവിക്കുന്ന സംഭവങ്ങളും ശേഷം രാധിക ഓട്ടോതൊഴിലാളിയായി മാറുന്നതുമൊക്കെയാണ് ഓട്ടോക്കാരന്‍റെ ഭാര്യയുടെ കഥാസാരം.

Also Watch :