'മാർക്കോണി മത്തായി' തമിഴിൽ 'കാതൽ കഥൈ സൊല്ലവാ'; പ്രധാന വേഷത്തിൽ ഇവർ

പരസ്യചിത്ര സംവിധായകൻ സനിൽ കളത്തിൽ സംവിധാനം ചെയ്ത് 2019 ജൂലൈ 12ന് തീയേറ്ററുകളിലെത്തിയ മാർക്കോണി മത്തായി തമിഴിൽ റീമേക്കിനായി ഒരുങ്ങുന്നു. ജയറാം നായകനായ ഈ ചിത്രത്തിൽ ജോസഫ് എന്ന ചിത്രത്തിലൂടെ ശ്രദ്ധേയയായ ആത്മീയ രാജനാണ് നായികയായെത്തിരുന്നത്. മക്കൾ സെൽവൻ വിജയ് സേതുപതി ആദ്യമായി മലയാള സിനിമയിൽ അഭിനയിച്ച ചിത്രം കൂടിയായിരുന്നു ഇത്.

Also Read: പകൽക്കിനാവിൽ മുഴുകി നസ്രിയ; ഞങ്ങൾ കിനാവു കാണുന്നത് നിങ്ങളെയാണെന്ന് ഫാൻസും!

നരേൻ, അജു വർഗീസ്, സിദ്ധാർത്ഥ് ശിവ, മല്ലിക സുകുമാരൻ, ലക്ഷ്മിപ്രിയ തുടങ്ങിയവരായിരുന്നു ചിത്രത്തിലെ മറ്റ് താരങ്ങള്‍. റേഡിയോയിലൂടെ പാട്ടിനെ പ്രണയിച്ച സെക്യൂരിറ്റിക്കാരൻ മാർക്കോണി മത്തായിയുടെ ജീവിത കഥയാണ് ചിത്രം പറഞ്ഞത്. മത്തായിക്ക് റേഡിയോയുമായുള്ള പ്രണയമായിരുന്നു സിനിമയുടെ ഇതിവൃത്തം.

Also Read: ഇതുവരെ കാണാത്ത ലുക്കില്‍ കൃഷ്ണശങ്കര്‍; 'കുടുക്ക്' മേക്കോവര്‍ സോഷ്യല്‍ മീഡിയയില്‍ സൂപ്പര്‍ ഹിറ്റ്!

ഇപ്പോഴിതാ സിനിമയുടെ റീമേക്കിനെ കുറിച്ച് സംവിധായകൻ തന്നെയാണ് ഫേസ്ബുക്കിലൂടെ അറിയിച്ചിരിക്കുന്നത്. എൻ്റെ തമിഴ് ചിത്രം കാതൽ കഥൈ സൊല്ലവായുടെ ജോലികൾ പുരോഗമിയ്ക്കുന്നു. മാർക്കോണി മത്തായിയുടെ റീമേക്ക് ആണ് ചിത്രം. ജമിനി ഫിലിംസ് ആണ് നിർമ്മാണം. വിജയ് സേതുപതിയും ജയറാമിനും ആത്മീയയ്ക്കും ഒപ്പം നകുലും ഋതിക സെന്നും നായികാനായകന്മാരാകും. ശരത്ത് ആണ് സംഗീതം. ചിത്രം പൊങ്കലിന് തിയറ്ററുകളിൽ എത്തും, എന്നാണ് അദ്ദേഹം കുറിച്ചിരിക്കുന്നത്. ഉത്തര എന്ന സിനിമയും സനിൽ കളത്തിൽ സംവിധാനം ചെയ്തിട്ടുണ്ട്.

Also Watch :