എമ്മയെ വധുവാക്കാൻ മൈക്കിള്‍ ജാക്സൺ ആഗ്രഹിച്ചിരുന്നു

മൈക്കിള്‍ ജാക്സന്‍റെ മരണശേഷവും വിവാദ രഹസ്യങ്ങള്‍ അദ്ദേഹത്തെ വിട്ടൊഴിയുന്നില്ല.പോപ്പ് സംഗീത മാന്ത്രികൻ മൈക്കിള്‍ ജാക്സൺ 'ഹാരിപ്പോട്ടർ' നായിക എമ്മ വാട്ട്സണെ വിവാഹം ചെയ്യാൻ ആഗ്രഹിച്ചിരുന്നതായി വെളിപ്പെടുത്തൽ. ജാക്സന്‍റെ അവസാന നാളുകളിൽ അദ്ദേഹത്തെ ചികിത്സിച്ചിരുന്ന കോൺറാഡ് മറെ എന്ന ഡോക്ടറാണ് തന്‍റെ 'ദിസ് ഈസ് ഇറ്റ്' എന്ന പുസ്തകത്തിലൂടെ പുതിയ വെളിപ്പെടുത്തലുകളുമായി എത്തിയിരിക്കുന്നത്.

എന്നാൽ ജാക്സൺ വിവാഹം ചെയ്യാൻ ആഗ്രഹിച്ചിരുന്ന സമയത്ത് എമ്മയുടെ പ്രായം 11 വയസായിരുന്നു . അദ്ദേഹത്തിന്‍റെ ലോസ് ആഞ്ജലസിലെ വീട്ടിൽ എമ്മയുടെ വലിയൊരു കട്ടൗട്ടും സ്ഥാപിച്ചിരുന്നു.

എന്നാൽ ജാക്സന്‍റെ പട്ടികയിൽ രണ്ടാമതായാണ് എമ്മ ഉണ്ടായിരുന്നത്. സുഹൃത്തായ മാ‍ർക്ക് ലെസ്റ്ററിന്‍റെ 12 വയസുകാരി മകള്‍ ഹാരിയറ്റായിരുന്നു ആദ്യം ഉണ്ടായിരുന്നത്. ഹാരിയറ്റിന് 5 വയസ് ഉള്ളപ്പോള്‍ മുതലേ അദ്ദേഹത്തിന് കടുത്ത പ്രേമമായിരുന്നെന്നും മകളെ വിവാഹം ചെയ്ത് തരണമെന്ന് മാ‍ർക്കിനോട് ആവശ്യപ്പെട്ടിരുന്നതായും പുസ്തകത്തിൽ പറയുന്നു. എന്നാൽ പ്രായപൂർത്തിയായിട്ടില്ല എന്ന കാരണം കൊണ്ടാണ് വിവാഹം ചെയ്യാഞ്ഞത്.

മൈക്കിള്‍ ജാക്സന്‍റെ ഇരുണ്ട രഹസ്യങ്ങള്‍ തുറന്നുകാട്ടുന്ന പുസ്തകമാണ് കോൺറാഡ് മറെ രചിച്ച 'ദിസ് ഈസ് ഇറ്റ്'.