സാത്താന്‍ സേവ്യറും പിപി ശശിയും ഉടനെത്തും

മിഥുന്‍ മാനുവല്‍ സംവിധാനം ആട് 2 ക്രിസ്തുമസിന് തീയേറ്ററുകളിൽ എത്തും. ജയസൂര്യയുടെ ഷാജി പാപ്പന്‍ എന്ന കഥാപാത്രം പോലെ തന്നെ ശ്രദ്ധേയമായ കഥാപാത്രങ്ങളായിരുന്നു സണ്ണി വെയ്നിന്റെ സാത്താന്‍ സേവ്യറും ഇന്ദ്രന്‍സിന്റെ പിപി ശശിയും. ഇരുവരും രണ്ടാംഭാഗത്തിലും പ്രേക്ഷകരെ ചിരിപ്പിക്കുമെന്ന് സംവിധായകന്‍ മിഥുന്‍ മാനുവല്‍ തോമസ് പറയുന്നു.

സാത്താന്‍ സേവ്യര്‍ക്ക് കൂടുതല്‍ നര്‍മ സ്വഭാവമാണ് രണ്ടാം ഭാഗത്തിലുള്ളത്. ഇന്ദ്രന്‍സ് അവതരിപ്പിക്കുന്ന പിപി ശശി ഏതാനും രംഗങ്ങളില്‍ മാത്രമാണ് എത്തുകയെങ്കിലും രസകരമായ രംഗങ്ങളായിരിക്കുമിതെന്ന് സംവിധായകന്‍ പറയുന്നു. ചിത്രത്തിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്.