മഞ്ജുവും ബിജുവും വീണ്ടും!; 'ലളിതം സുന്ദര'വുമായി മധു വാര്യർ': ആശംസകളുമായി 'ബിഗ് എം'സ്!

ബിജു മേനോൻ, മഞ്ജു വാര്യർ എന്നിവരെ മുഖ്യ കഥാപാത്രങ്ങളാക്കി മഞ്ജു വാര്യരുടെ സഹോദരനും നടനുമായ മധു വാര്യർ ആദ്യമായി സംവിധാനം ചെയ്യുന്ന പുതിയ ചിത്രത്തിൻറെ ടൈറ്റിൽ പുറത്ത് വിട്ടു. 'ലളിതം സുന്ദരം' എന്നാണ് ചിത്രത്തിന് നൽകിയിരിക്കുന്ന പേര്. മഞ്ജു വാര്യർ പ്രൊഡക്ഷൻസും സെഞ്ചുറിയും ഒന്നിച്ചാണ് ഈ ചിത്രം നിർമിക്കുന്നത്. മലയാളത്തിൻ്റെ മെഗാസ്റ്റാർ മമ്മൂട്ടിയും താരചക്രവർത്തി മോഹൻലാലും ചേർന്നാണ് ചിത്രത്തിൻ്റെ ടൈറ്റിൽ പുറത്ത് വിട്ടിരിക്കുന്നത്.

Also Read: ‘മദ്യപിക്കുന്നത് തുറന്നു പറയാന്‍ എന്തിനാണ് പേടി, അത് അത്ര വലിയ കുറ്റമൊന്നുമല്ലല്ലോ?’

മഞ്ജു വാര്യർക്കും ബിജു മേനോനും മധു വാര്യർക്കും ആശംസകളറിയിച്ചാണ് ഇരുവരും ടൈറ്റിൽ പുറത്ത് വിട്ടിരിക്കുന്നത്. മഞ്ജുവും, ബിജു മേനോനും വർഷങ്ങൾക്ക് ശേഷം വീണ്ടും ഒന്നിക്കുകയാണ് ലളിതം സുന്ദരത്തിലൂടെ. 41 എന്ന ചിത്രത്തിന് ശേഷം ബിജു മേനോൻ നായകനായി എത്തുന്ന ചിത്രം കൂടിയാണിത്. ഇന്നലെകൾ ഇല്ലാതെ, കുടമാറ്റം, കൃഷ്ണഗുഡിയിൽ ഒരു പ്രണയകാലത്ത്, പ്രണയവർണങ്ങൾ, പത്രം, കണ്ണെഴുതി പൊട്ടും തൊട്ട് തുടങ്ങിയ ചിത്രങ്ങൾക്ക് ശേഷം മഞ്ജു വാര്യരും ബിജു മേനോനും ഒന്നിക്കുന്ന ചിത്രമാണ് ഇത്.

Also Read: അപരയെ കണ്ട് അമ്പരന്ന് കാജൽ അഗ‍ര്‍വാൾ; ആശ്ചര്യം വിട്ടുമാറാതെ പ്രിയതാരം!


Also Read: ‘അതിരുകളില്ലാത്ത പ്രണയം’; പ്രയാഗയുടെ പ്രണയ വിഭാവനകൾ ഇങ്ങനെയാണ്!

ദി ക്യാംപസ് എന്ന ചിത്രത്തിലൂടെ അഭിനയ രംഗത്തേക്ക് എത്തിയ മധു വാര്യര്‍ നേരറിയാന്‍ സിബി ഐ, ഭരത്ചന്ദ്രന്‍ ഐപിഎസ്, ഇമ്മിണി നല്ലൊരാള്‍, ഇരുവട്ടം മണവാട്ടി, പൊന്മുടിപ്പുഴയോരത്ത്, പറയാം തുടങ്ങി ഇരുപതോളം ചിത്രങ്ങളിൽ അഭിനയിച്ചിട്ടുണ്ട്. നിര്‍മ്മാണത്തിലും സാന്നിധ്യം അറിയിച്ചിട്ടുള്ള മധു വാര്യര്‍ സ്വലേ, മായാമോഹിനി എന്നീ ചിത്രങ്ങൾ നിര്‍മ്മിച്ചിട്ടുണ്ട്.