മോഹൻലാൽ-ജീത്തു ജോസഫ് കൂട്ടുകെട്ടിൽ പുറത്തിറങ്ങിയ സൂപ്പർഹിറ്റ് ചിത്രം ദൃശ്യം 2 ൻ്റെ കഥയ്ക്ക് തുടർച്ചയായി ദൃശ്യം 3 എത്തുമെന്ന ഉറപ്പ് കഴിഞ്ഞദിവസം നിർമ്മാതാവ് ആൻ്റണി പെരുമ്പാവൂർ പറഞ്ഞിരുന്നു. ആൻ്റണി പെരുമ്പാവൂരിൻ്റെ വെളിപ്പെടുത്തൽ ആരാധകർ ആവേശത്തോടെയാണ് സ്വീകരിച്ചത്. മലയാളത്തിലെ എക്കാലത്തേയും മികച്ച ക്രൈം ത്രില്ലർ ചിത്രങ്ങളിൽ ഒന്നാണ് ദൃശ്യം 2. മോഹൻലാൽ - ജീത്തു ജോസഫ് ടീം ഒന്നിച്ച ദൃശ്യം തീയേറ്ററുകളിലെത്തിയത് 2013ലായിരുന്നു. ചിത്രം അന്ന് തീർത്ത തരംഗം സമാനതകളില്ലാത്തതായിരുന്നു. ഈ വിജയഭേരിയുടെ ചുവടുപിടിച്ച് എത്തിയ രണ്ടാം ഭാഗവും പ്രേക്ഷകർ ഇരുകൈയ്യും നീട്ടി സ്വീകരിക്കുകയായിരുന്നു. ഓ.ടി.ടി റിലീസ് ആയിരുന്നുവെങ്കിലും അസാമാന്യ സ്വീകരണമാണ് പ്രേക്ഷകർ നൽകിയത്. അതിനു പിന്നാലെ ദൃശ്യം മൂന്നിനെ പറ്റിയുള്ള ചർച്ചകളുമുണ്ടാകുകയുണ്ടായി.
ദൃശ്യം 3 എന്ന രീതിയിൽ ചില ഫാൻ മേയ്ഡ് പോസ്റ്ററുകളും സോഷ്യൽ മീഡിയയിൽ പ്രചരിച്ചിരുന്നു. കഴിഞ്ഞ ദിവസം നടന്ന പ്രഖ്യാപനം പ്രചരിച്ച വാർത്തകളുടെ സ്ഥിരീകരണമായിരുന്നു. നിർമാതാവ് ആൻ്റണി പെരുമ്പാവൂർ നടത്തിയ പ്രഖ്യാപനം താരസംഘടന നടത്തിയ ഒരു ടെലിവിഷൻ ഷോയ്ക്കിടെയായിരുന്നു. ആൻ്റണി പെരുമ്പാവൂർ പറഞ്ഞ കാര്യം ഇങ്ങനെയാണ്.
ദൃശ്യം 3 എന്തായാലും വരും. അതിൻ്റെ പണിപ്പുരയിലാണ്, ആശയങ്ങളും കാര്യങ്ങളും ഒക്കെയായി ഇരിക്കുകയാണ്. ആൻ്റണി പെരുമ്പാവൂരിൻ്റെ വെളിപ്പെടുത്തൽ ആവേശത്തോടെയാണ് ആരാധകർ സ്വീകരിച്ചത്. ദേശീയ മാധ്യമങ്ങളും ഈ പ്രഖ്യാപനം വാർത്തയാക്കി മാറ്റിയിരുന്നു.
കമൽഹാസനെ നായകനാക്കി പാപനാസം എന്ന പേരിൽ ജീത്തു ജോസഫ് ചിത്രം തമിഴിലേക്ക് റീമേക്ക് ചെയ്തിരുന്നു. ദൃശ്യം എന്ന പേരിൽ തെലുങ്ക്, കന്നഡ, ഹിന്ദി ഭാഷകളിലും ഷീപ്പ് വിത്തൗട്ട് എ ഷെപ്പേർഡ് എന്ന പേരിൽ ചൈനീസ് ഭാഷകളിലും ചിത്രം റീമേക്ക് ചെയ്തിരുന്നു.
ദൃശ്യം 3 എന്ന രീതിയിൽ ചില ഫാൻ മേയ്ഡ് പോസ്റ്ററുകളും സോഷ്യൽ മീഡിയയിൽ പ്രചരിച്ചിരുന്നു. കഴിഞ്ഞ ദിവസം നടന്ന പ്രഖ്യാപനം പ്രചരിച്ച വാർത്തകളുടെ സ്ഥിരീകരണമായിരുന്നു. നിർമാതാവ് ആൻ്റണി പെരുമ്പാവൂർ നടത്തിയ പ്രഖ്യാപനം താരസംഘടന നടത്തിയ ഒരു ടെലിവിഷൻ ഷോയ്ക്കിടെയായിരുന്നു. ആൻ്റണി പെരുമ്പാവൂർ പറഞ്ഞ കാര്യം ഇങ്ങനെയാണ്.
ദൃശ്യം 3 എന്തായാലും വരും. അതിൻ്റെ പണിപ്പുരയിലാണ്, ആശയങ്ങളും കാര്യങ്ങളും ഒക്കെയായി ഇരിക്കുകയാണ്. ആൻ്റണി പെരുമ്പാവൂരിൻ്റെ വെളിപ്പെടുത്തൽ ആവേശത്തോടെയാണ് ആരാധകർ സ്വീകരിച്ചത്. ദേശീയ മാധ്യമങ്ങളും ഈ പ്രഖ്യാപനം വാർത്തയാക്കി മാറ്റിയിരുന്നു.
കമൽഹാസനെ നായകനാക്കി പാപനാസം എന്ന പേരിൽ ജീത്തു ജോസഫ് ചിത്രം തമിഴിലേക്ക് റീമേക്ക് ചെയ്തിരുന്നു. ദൃശ്യം എന്ന പേരിൽ തെലുങ്ക്, കന്നഡ, ഹിന്ദി ഭാഷകളിലും ഷീപ്പ് വിത്തൗട്ട് എ ഷെപ്പേർഡ് എന്ന പേരിൽ ചൈനീസ് ഭാഷകളിലും ചിത്രം റീമേക്ക് ചെയ്തിരുന്നു.