മോഹൻലാൽ ചിത്രം 'ഒടിയന്‍റെ' പുതിയ പോസ്റ്റര്‍ വൈറലാകുന്നു

മോഹൻലാൽ ആരാധകര്‍ ഏറെ ആകാംക്ഷയോടെ കാത്തിരിക്കുന്ന ചിത്രം ഒടിയന്‍റെ പുതിയ പോസ്റ്റര്‍ വൈറലാകുന്നു. മോഹൻലാല്‍ ഒടിയൻ മാണിക്യമായി എത്തുന്ന ചിത്രത്തിന്‍റെ പുതിയ പോസ്റ്ററിൽ താരം കാളക്കൂറ്റൻമാരോടൊപ്പം പായുന്നതാണ് കാണുന്നത്. വികെ ശ്രീകുമാര്‍ മേനോന്‍ ആണ് ചിത്രം സംവിധാനം ചെയ്യുന്നത്. ഹരികൃഷ്‍ണൻ ആണ് ചിത്രത്തിന്‍റെ തിരക്കഥ ഓരുക്കിയിരിക്കുന്നത്.

ചിത്രത്തിൽ മോഹൻലാൽ വല വേഷപ്പകര്‍ച്ചയിലാണ് താരം എത്തുക. യൗവ്വനം മുതല്‍ 60 വയസ് വരെയുള്ള കഥാപാത്രത്തെ മോഹന്‍ലാല്‍ തന്നെയാണ് അവതരിപ്പിക്കുന്നതെന്നതാണ് ചിത്രത്തിൻ്റെ ഏറ്റവും വലിയ പ്രത്യേകത. മഞ്ജു വാര്യരാണ് ചിത്രത്തിലെ നായിക. പ്രഭ എന്ന കഥാപാത്രത്തെയാണ് മഞ്ജു അവതരിപ്പിക്കുന്നത്. ചിത്രത്തിൽ രാവുണ്ണി എന്ന വില്ലന്‍ കഥാപാത്രത്തെ പ്രകാശ് രാജാണ് അവതരിപ്പിക്കുന്നത്. പീറ്റര്‍ ഹെയ്‍നാണ് ചിത്രത്തിനായി ആക്ഷൻ കൊറിയോഗ്രാഫി ചെയ്യുന്നത്.