'ഒടിയനി'ൽ മോഹൻലാലിന്റെ സന്യാസി വേഷം !

മോഹന്‍ലാലിനെ നായകനാക്കി ഒരുങ്ങുന്ന 'ഒടിയന്‍റെ' ഷൂട്ടിങ് വാരണസിയിൽ കഴിഞ്ഞദിവസങ്ങളിൽ നടന്നിരുന്നു. 30 കോടിയോളം ബഡ്ജറ്റ് ഉള്ള ചിത്രത്തില്‍ മോഹന്‍ലാല്‍ വ്യത്യസ്ഥ ഗെറ്റപ്പുകളില്‍ ആണ് എത്തുന്നത്. ഒടിയന്‍ മാണിക്യന്‍ എന്ന കഥാപാത്രത്തിന്‍റെ 20 വയസ്സ് മുതല്‍ 50 വയസ്സ് വരെയുള്ള കാലഘട്ടത്തെ കഥയാണ് ഈ സിനിമ പറയുന്നത്. അതുകൊണ്ട് തന്നെ അഞ്ചില്‍ അധികം ഗെറ്റപ്പുകള്‍ ഈ സിനിമയില്‍ മോഹന്‍ലാലിന് ഉണ്ടെന്നാണ് പറയുന്നത്. ചിത്രത്തിലെ മോഹന്‍ലാലിന്‍റെ ആദ്യ ഗെറ്റപ്പ് ഫസ്റ്റ് ലുക്ക് പോസ്റ്റാറായി തന്നെ അണിയറ പ്രവര്‍ത്തകര്‍ ഇറക്കിയിരുന്നു. തടി കുറച്ചു ക്ലീന്‍ ഷേവ് ചെയ്ത മോഹന്‍ലാലിന്‍റെ ആ ലുക്ക് ഏറെ ശ്രദ്ധേയമായിരുന്നു.

ഇപ്പോഴിതാ ഒടിയനിലെ മോഹന്‍ലാലിന്‍റെ മറ്റൊരു ഗെറ്റപ്പ് പുറത്തു വന്നിരിക്കുകയാണ്. ഡെല്‍ഹി ടൈംസ് ആണ് ഒടിയന്‍റെ ലുക്ക് പുറത്തു വിട്ടിരിക്കുന്നത്. മുടി നീട്ടി വളര്‍ത്തി കാവി വേഷത്തിൽ ഒരു സന്യാസിയുടെ ലുക്കിലാണ് മോഹന്‍ലാല്‍ ഈ ചിത്രങ്ങളില്‍ പ്രത്യക്ഷപ്പെട്ടിരിക്കുന്നത്. ഇതുവരെ കാണാത്ത രീതിയിലുള്ള മോഹന്‍ലാലിന്‍റെ രണ്ടു ലുക്കുകളും ഒടിയന്‍റെ പ്രതീക്ഷകള്‍ കൂട്ടുന്നുണ്ട്. പരസ്യ സംവിധായകനായ വിഎ ശ്രീകുമാര്‍ മേനോനാണ് ഒടിയന്‍ സംവിധാനം ചെയ്യുന്നത്.


mohanlal odiyan new look

mohanlal odiyan new look revealed.