'ജോര്‍ജ്ജ് കുട്ടി' ധ്യാനത്തിന് പോയ ആഗസ്റ്റിൽ 'ദൃശ്യം 2' തുടങ്ങുന്നു; ചിത്രീകരണം തൊടുപുഴയിൽ

മലയാളത്തിലെ മികച്ച ത്രില്ലറുകളുടെ ഗണത്തിൽ മുന്നിലുള്ള 'ദൃശ്യം' എന്ന സിനിമയുടെ രണ്ടാം ഭാഗം 'ദൃശ്യം 2' ചിത്രീകരണം ആഗസ്റ്റ് മാസത്തിൽ തൊടുപുഴയിൽ ആരംഭിക്കുമെന്ന് റിപ്പോര്‍ട്ട്. മോഹൻലാൽ–ജീത്തു ജോസഫ് കൂട്ടുകെട്ടിലൊരുങ്ങിയ ചിത്രം മികച്ച അഭിപ്രായം നേടിയിരുന്നു. പുതിയതായുള്ള സിനിമകളുടെ ഷൂട്ടിങ് ആരംഭിക്കരുതെന്ന നിർമാതാക്കളുടെ നിലപാട് അവഗണിച്ചാണ് സിനിമയുടെ ആദ്യ ഷെഡ്യൂൾ ഓഗസ്റ്റ് 17ന് ആരംഭിക്കുന്നതെന്നാണ് ലഭിച്ചിരിക്കുന്ന വിവരം.

Also Read: 'ചുരുളി'; ലിജോ ജോസ് പെല്ലിശ്ശേരിയുടെ പുതിയ ചിത്രത്തിന്‍റെ ട്രെയിലർ

കൊവിഡ് ഭീതിയുടെ സാഹചര്യത്തിൽ ലോക്ക് ഡൗൺ കാലമായിരുന്നതിനാൽ സിനിമകളുടെ ഷൂട്ടിങ് മാര്‍ച്ച് 31 മുതലാണ് നിര്‍ത്തിവെച്ചിരുന്നത്. അതിനുശേഷം ഇളവുകള്‍ വന്നുവെങ്കിലും താരങ്ങളുടെ പ്രതിഫള വിഷയം ചർച്ചയാകാതിരുന്നതിനാൽ പുതിയ സിനിമകളുടെ ഷൂട്ട് തുടങ്ങരുതെന്ന നിർമാതാക്കളുടെ തീരുമാനത്തിൽ ‘അമ്മ’യ്ക്കും ഫെഫ്കയ്ക്കും വിയോജിപ്പുണ്ടെന്നാണ് സൂചന.

Also Read: അങ്ങനെ ഒടുവിൽ 'സുനാമി' പാക്കപ്പ് ചെയ്തു; വാചാലനായി അജു വർഗ്ഗീസും ലാലും!

താരങ്ങളുടെ പ്രതിഫലം കുറയ്ക്കുന്ന കാര്യങ്ങൾ ഉൾപ്പടെ ചർച്ച ചെയ്യാൻ അമ്മ എക്സിക്യൂട്ടിവ് യോഗം ഞായറാഴ്ച യോഗം ചേരുന്നുമുണ്ട്. ആശീർവാദ് സിനിമാസിനു വേണ്ടി ആന്‍റണി തന്നെ നിർമിക്കുന്ന ചിത്രം കൊവിഡ് സാഹചര്യത്തിൽ വേണ്ട മുൻകരുതലുകള്‍ പാലിച്ചായിരിക്കും ചിത്രീകരണം എന്നും അണിയറപ്രവർത്തകര്‍ വ്യക്തമാക്കിയിട്ടുണ്ട്. 2013 ഡിസംബറിൽ തീയേറ്ററുകളിലെത്തിയ ‘ദൃശ്യം’ മികച്ച വിജയം നേടിയ ചിത്രമാണ്. 7 വര്‍ഷങ്ങള്‍ക്ക് ശേഷമാണ് രണ്ടാംഭാഗമെത്തുന്നത്. 60 ദിവസം കൊണ്ട് ചിത്രീകരണം പൂര്‍ത്തിയാക്കുമെന്നാണ് സൂചന.

Also Watch :