നിങ്ങൾ കാത്തിരുന്ന ആ ദിനം ഇതാ; 'മരയ്ക്കാർ; അറബിക്കടലിൻ്റെ സിംഹം': റിലീസ് തീയതി പ്രഖ്യാപിച്ചു

നീണ്ട നാളത്തെ കാത്തിരിപ്പിനു വിരാമമിട്ടു കൊണ്ട് മോഹന്‍ലാലിന്‍റെ കുഞ്ഞാലി മരയ്ക്കാറിൻ്റെ റിലീസ് തീയതി പ്രഖ്യാപിച്ചു. 'ഇട്ടിമാണി'യ്ക്ക് ശേഷം മലയാളത്തിൻ്റെ താരചക്രവര്‍ത്തി മോഹൻലാൽ നായകനായി അണിയറയിൽ ഒരുങ്ങുന്ന ചിത്രമാണ് 'കുഞ്ഞാലി മരയ്ക്കാര്‍'. ആരാധകര്‍ ഏറെ പ്രതീക്ഷയോടെ നോക്കിക്കാണുന്ന ചിത്രമാണ്. ചിത്രത്തിലേതായി പുറത്തിറങ്ങിയ മോഹൻലാലിൻ്റെ ലുക്ക് ഏറെ ശ്രദ്ധ നേടുകയും ട്രോൾ ചെയ്യപ്പെടുകയും ചെയ്തിരുന്നു. ഇപ്പോഴിതാ ചിത്രത്തിൻ്റെ റിലീസ് തീയ്യതി പുറത്ത് വിട്ടിരിക്കുകയാണ് അണിയറപ്രവര്‍ത്തകര്‍.

Also Read: ദിലീപും കാവ്യയും ആവണംകോട് സരസ്വതീക്ഷേത്രത്തിൽ; വീഡിയോ കാണാം

2020 മാര്‍ച്ചോടെ ചിത്രം തീയേറ്ററുകളിലെത്തുമെന്നാണ് വിവരം. നൂറ് കോടി രൂപയിലേറെ ചെലവിട്ടാണ് ചിത്രം നിര്‍മ്മിക്കുന്നത്. 2020 മാർച്ച് 19ന് ചിത്രം തീയേറ്ററുകളിലെത്തും. മരക്കാര്‍ അറബിക്കടലിൻ്റെ സിംഹത്തിൻ്റെ ഷൂട്ടിംഗ് ഹൈദരാബാദിലാണ് നടന്നത്. വമ്പന്‍ താരയാണ് ചിത്രത്തിൽ അണിനിരക്കുന്നത്. മലയാളത്തിലെ ഇതുവരെയുള്ളതില്‍ വച്ച് ഏറ്റവും ചെലവേറിയ ചിത്രമാണിത്. ആശിര്‍വാദ് സിനിമാസിന്‍റെ ബാനറിലാണ് മരക്കാർ ഒരുങ്ങുന്നത്. ആശിർവാദിൻ്റെ ഇരുപത്തിയഞ്ചാമത്തെ ചിത്രമാണിത്. കോണ്‍ഫിഡൻ്റ് ഗ്രൂപ്പും മൂണ്‍ഷോട്ട് എൻ്റര്‍ടെയ്ന്‍മെൻ്റുമാണ് സഹനിർമാതാക്കൾ.


പകുതിയും കടലില്‍ ഷൂട്ട് ചെയ്യുന്നതിനാലും ദൈര്‍ഘ്യമേറിയ പോസ്റ്റ് പ്രൊഡക്ഷന്‍ വര്‍ക്കുകള്‍ ആവശ്യമുള്ളതിനാലുമാണ് റിലീസ് തീയ്യതി പ്രഖ്യാപിക്കാൻ താമസിച്ചത്. ഈ സിനിമ തൻ്റെയും ലാലിൻ്റെയും സ്വപ്‌നമാണെന്നും പ്രിയദര്‍ശന്‍ മുൻപ് പറഞ്ഞിരുന്നു. ചിത്രത്തിൽ കല്യാണി പ്രിയദര്‍ശൻ, പ്രണവ് മോഹൻലാൽ, ജിതിൻ, കീര്‍ത്തി സുരേഷ്, സിദ്ദിഖ്, സുരേഷ് കൃഷ്ണ എന്നിവരെല്ലാം ചിത്രത്തിൽ മുഖ്യ കഥാപാത്രങ്ങളെ അവതരിപ്പിക്കുന്നുണ്ട്.

Also Read: മലയാളത്തിലെ ആദ്യ സംവിധായക ദമ്പതികൾ; 'ഹാപ്പി സർദാർ' ഇവരുടെ ചിത്രം

മോഹൻലാൽ ചിത്രത്തിനായി ശരീരം മെച്ചപ്പെടുത്താൻ ജിമ്മിൽ കഠിനമായി പ്രയത്നിക്കുന്നതിൻ്റെ ചിത്രം പുറത്ത് വന്നിരുന്നു. അതൊടൊപ്പം തന്നെ ചിത്രത്തിലെ മോഹൻലാലിൻ്റെ ലുക്ക് ചിത്രങ്ഹൾ പുറത്ത് വിട്ടപ്പോൾ ഹീനമായ ഭാഷയിൽ താരത്തെ സോഷ്യൽ മീഡിയ ബോഡി ഷെയിമിങ് നടത്തുന്നത് ഏറെ വിമര്‍ശിക്കപ്പെട്ടിരുന്നു.