Odiyan Day 3 Collections: 'ഒടിവിദ്യ' അമ്പത് കോടി കടന്ന് ഒടിയൻ

ഒടിയൻ ഒടിവെക്കുന്നന്നത് ബോക്സോഫീസിലാണെന്ന് റിപ്പോ‍ർട്ടുകൾ. വിവാദങ്ങൾ കൊഴിക്കുമ്പോഴും കളക്ഷനിൽ കുതിക്കുകയാണെന്നാണ് പുതിയതായെത്തുന്ന റിപ്പോ‍ർട്ടുകൾ സൂചിപ്പിക്കുന്നത്. ഡിസംബ‍ർ 14നാണ് വിഎ ശ്രീകുമാറിൻ്റെ സംവിധാനത്തിൽ മോഹൻലാൽ ചിത്രമായ ഒടിയൻ തീയേറ്ററിലെത്തിയത്.

മലയാളത്തിലെ എക്കാലത്തെയും വലിയ ബോക്‌സോഫീസ് കളക്ഷനാണ് ആദ്യദിനം ഒടിയൻ നേടിയത്. ഇന്ത്യയില്‍ നിന്നു മാത്രം ഒടിയന് 16.48 കോടി രൂപയായിരുന്നു നേട്ടം. ആഗോളതലത്തിൽ ഒടിയൻ നേടിയത് 32.14 കോടി രൂപയായിരുന്നു. ഒടിയൻ രണ്ടാം ദിനത്തിൽ കൊച്ചി മൾട്ടിപ്ലക്സിൽ നിന്ന് 30 ലക്ഷം നേടിയ ഒടിയൻ്റെ വാരാന്ത്യ കളക്ഷനായി കാത്തിരിക്കുകയായിരുന്നു ആരാധക‍ർ. ശനിയും ഞായറും 25 കോടി വീതം കളക്ട് ചെയ്ത ഒടിയൻ്റെ ലേറ്റസ്റ്റ് കളക്ഷൻ റിപ്പോ‍ർട്ട് 51.27 കോടിയാണ്. വാരാന്ത്യത്തിൽ ഇത്രയധികം കളക്ഷൻ നേടുന്ന മറ്റോരു മലയാള ചിത്രവും മലയാള സിനിമ ചരിത്രത്തിലില്ല . 51 കോടിക്ക് പുറമേ തീയേറ്റ‍ർ റൈറ്റ്സ് 35 കോടിയും സിനിമയുടെ ആഗോള വിതരണത്തിലൂടെ 20.50 കോടിയും ഒടിയൻ 3 ദിവസത്തിനുള്ളിൽ സ്വന്തമാക്കി