ഒരായിരം ഒടിയൻമാ‍ർ തീയേറ്ററുകളിലെത്തി

കൊച്ചി: ഒടിയന്‍ മാണിക്യനായി കാത്തിരിക്കുകയാണ് സിനിമപ്രേമികൾ. ചിത്രത്തിൻ്റെ ടീസറും ട്രെയിലറും പോസ്റ്ററുകളുമെല്ലാം സോഷ്യൽ മീഡിയയിൽ വൻ ഹിറ്റാണ്. ഡിസംബ‍ർ14നാണ് ഒടിയൻ തീയേറ്ററുകളിലെത്തുക. ചിത്രത്തിൻ്റെ പ്രൊമോഷൻ്റെ ഭാഗമായി ഒടിയന്‍ പ്രതിമകള്‍ കേരളത്തിലെ തീയേറ്ററുകളിൽ എത്തി.


തീയേറ്ററുകളില്‍ സ്ഥാപിക്കുന്നതിനായി ഒടിയന്‍ പ്രതിമകള്‍ കൊണ്ടുപോകുന്ന ചിത്രം സംവിധായകന്‍ ശ്രീകുമാര്‍ മേനോന്‍ ട്വിറ്ററിൽ പോസ്റ്റ് ചെയ്തിട്ടുണ്ട്. ലുലുമാളിലുള്ള പിവിആറിലാണ് പ്രതിമ അനാച്ഛാദനം ചെയ്തത്. കേരളത്തിലെ പ്രമുഖ തീയേറ്ററുകളിലെല്ലാം ഒടിയൻ എത്തി. ഒടിയനൊപ്പം സെൽഫിയെടുത്ത ചിത്രങ്ങൾ ആരാധക‍ർ സോഷ്യൽ മീഡിയയിൽ പോസ്റ്റ് ചെയ്യുന്നുണ്ട്