ഒടിയനും പ്രഭയും; പുതിയ പോസ്റ്ററുകൾ തരംഗമാകുന്നു

സോഷ്യൽ മീഡിയയിൽ തരംഗമായി മോഹൻലാൽ ചിത്രം ഒടിയൻ്റെ പുതിയ ചിത്രങ്ങൾ. ചിത്രത്തിൻ്റെ ട്രെയിലറും പോസ്റ്ററുകളും ആവേശത്തോടെയാണ് ആരാധക‍‍‍ർ ഏറ്റെടുക്കുന്നത്. ഡിസംബര്‍ 14നാണ് ചിത്രം തീയേറ്ററുകളിലെത്തുക. നായികയായ മഞ്ജു മുന്ന് വ്യത്യസ്ത ഗെറ്റപ്പുകളിലാണ് എത്തുക.


മോഹൻലാലും മഞ്ജുവും നിൽക്കുന്ന പോസ്റ്ററാണ് ഒടുവിൽ ഇറങ്ങിയിരിക്കുന്നത്. തേൻകുറിശ്ശിയിലെ ഒടിയൻ മാണിക്യനായാണ് മോഹൻലാൽ എത്തുക. പ്രകാശ് രാജ്, നരേന്‍, ഇന്നസെൻ്റ്, കൈലാസ്, സന അല്‍ത്താഫ്, സിദ്ധിഖ്, നന്ദു എന്നിവരും പ്രധാന വേഷങ്ങളിലെത്തുന്നുണ്ട്. പീറ്റര്‍ ഹെയ്നാണ് കിടിലൻ സംഘട്ടനം ഒരുക്കുന്നത്