'ഒപ്പ'ത്തിൽ മോഹൻലാലിന് ഇരട്ട നായികമാർ

പ്രിയദർശൻ - മോഹൻലാൽ ടീം ഒന്നിക്കുന്ന 'ഒപ്പം' എന്ന ചിത്രത്തിൽ വിമലരാമനും തെന്നിന്ത്യൻ താരം സഞ്ജിത ഷെട്ടിയും നായികമാർ. ചിത്രത്തിൻെറ ഷൂട്ട് കൊച്ചിയിൽ തുടങ്ങി. രണ്ട് വർഷത്തെ ഇടവേളക്ക് ശേഷമാണ് പ്രിയദർശൻ മലയാളത്തിൽ സിനിമയൊരുക്കുന്നത്.

ക്രൈം ത്രില്ലറായിരിക്കും ചിത്രം. 2013ലെ 'ഗീതാഞ്ജലി'ക്ക് ശേഷമാണ് ഇരുവരും വീണ്ടും ഒന്നിക്കുന്നത്. വിമല രാമൻെറ തിരിച്ചു വരവ് ചിത്രം കൂടിയായിരിക്കും 'ഒപ്പം' . രണ്ട് ഇതിഹാസങ്ങളുടെ കൂടെ വർക്ക് ചെയ്യുന്നതിൽ തനിക്ക് ഏറെ അഭിമാനമുണ്ടെന്ന് കുറിച്ച് താരം ട്വീറ്റ് ചെയ്തു.
'ജനത ഗാരേജ്' എന്ന തെലുഗു ചിത്രത്തിലും മോഹൻലാൽ ഒരേ സമയം അഭിനയിക്കുന്നുണ്ട്. ജൂനിയർ എൻ.ടി.ആർ, ഉണ്ണി മുകുന്ദൻ എന്നിവരും 'ജനതഗാരേജി'ൽ ലാലിനൊപ്പം പ്രധാന വേഷങ്ങളിലെത്തുന്നു.