ദംഗൽ നായികക്കെതിരെ വിമാനത്തിൽ ലൈംഗികാതിക്രമം

ന്യൂഡൽഹി: ദംഗൽ നായിക സൈറ വാസിമിനു നേരെ വിമാനത്തിൽ ലൈംഗികാതിക്രമം. ഡൽഹിയിൽ നിന്നും മുംബൈയിലേക്കുള്ള യാത്രക്കിടയിൽ വിസ്താര ഫ്ള്ളൈറ്റിൽ വച്ചായിരുന്നു സംഭവം. വിമാനത്തിൽ ഒപ്പമുണ്ടായിരുന്ന സഹയാത്രികനിൽ നിന്നായിരുന്നു സൈറയ്ക്ക് ദുരനുഭവമുണ്ടായത്. ഇൻസ്റ്റാഗ്രാം വീഡിയയിലൂടെയാണ് താരം ഇക്കാര്യം വെളുപ്പെടുത്തിയത്. വളരെ വൈകാരികമായിട്ടായിരുന്നു സൈറയുടെ പ്രതികരണം.

വിമാനത്തിൽ അടുത്തിരുന്നയാൾ അയാളുടെ കാല് സൈറയുടെ സീറ്റിന്‍റെ കൈയിൽ വയ്ക്കുകയും അത് ചോദ്യം ചെയ്തപ്പോൾ വിമാനം ഇളകുന്നതിനാലാണ് കാലു കയറ്റി വച്ചതെന്നും പറഞ്ഞു. ചെറുതായൊന്ന് മയങ്ങിയപ്പോൾ അയാൾ തന്‍റെ കഴുത്തിലും മറ്റുമായി സ്പർശിച്ചു. അയാളുടെ ചിത്രമെടുക്കാൻ ശ്രമിച്ചുവെങ്കിലും വിമാനത്തിൽ വെളിച്ച കുറവായതിനാൽ സാധിച്ചില്ല. വിമാനത്തിലെ ക്യാബിൻ ക്രൂവിനോട് പരാതിപ്പെട്ടെങ്കിലും അവർ ഗൗനിച്ചില്ലെന്ന് സൈറ പരാതിപ്പെട്ടു.


  #Watch #Video #Bollywood movie 'Dangal' actress #ZairaWasim from #Kashmir allegedly molested on Delhi-Mumbai flight A post shared by Vaadi Online (@vaadionline) on Dec 9, 2017 at 9:40pm PST
തുടർന്ന് വിമാനം ലാൻഡ് ചെയ്തയുടനെ സൈറ ഇൻസ്റ്റാഗ്രാമിലൂടെ വിവരമറിയിക്കുകയായിരുന്നു. താൻ വളരെ അസ്വസ്ഥയാണ്. ഒരു പെണ്‍കുട്ടിയോട് ഇത്തരത്തിലാണോ പെരുമാറുന്നത്. സ്വയം സഹായിക്കാന്‍ പെണ്‍കുട്ടികള്‍ ശ്രമിക്കാതെ ആരും സഹായിക്കാന്‍ ഉണ്ടാവില്ലെന്നും പറഞ്ഞ് വിതുമ്പുന്ന സൈറയുടെ വീഡിയോ ഇതിനകം തന്നെ സാമൂഹ്യ മാധ്യമങ്ങളിൽ വൈറലായി കഴിഞ്ഞു.

സംഭവത്തില്‍ കേസെടുക്കുമെന്ന് ദേശീയ വനിതാകമ്മീഷന്‍ അറിയിച്ചിട്ടുണ്ട്. എന്നാല്‍ മുംബൈ എയര്‍പോര്‍ട്ട് പോലീസ് സ്‌റ്റേഷനില്‍ ഇത് സംബന്ധിച്ച ഔദ്യോഗിക പരാതിയൊന്നും ഇതുവരെ ലഭിച്ചിട്ടില്ല.