പുരസ്കാര നിറവിൽ വീണ്ടും 'മൂത്തോൻ'; മികച്ച സഹനടനായി റോഷന്‍ മാത്യു

നിവിൻ പോളിയെ നായകനാക്കി ഗീതു മോഹൻദാസ് ഒരുക്കിയ മൂത്തോൻ വീണ്ടും പുരസ്കാര നിറവിൽ. ബെര്‍ലിനില്‍ നടന്ന ഇൻഡോ-ജര്‍മ്മന്‍ ചലച്ചിത്ര വാരത്തില്‍ ജനപ്രിയ ചിത്രമായി തെരഞ്ഞെടുക്കപ്പെട്ടിരിക്കുകയാണ് 'മൂത്തോന്‍'. 'മൂത്തോനി'ൽ അമീര്‍ എന്ന കഥാപാത്രമായി എത്തിയ റോഷന്‍ മാത്യു മികച്ച സഹനടനുമായിരിക്കുകയാണ്.

Also Read: പ്രതിസന്ധികളിലൂടെ പോകുമ്പോൾ കീഴടങ്ങില്ലെന്ന് തീരുമാനിക്കുന്നതാണ് ശക്തി; ഭാവന!

അക്ബര്‍ എന്ന കഥാപാത്രമായെത്തിയ നിവിന്‍ പോളിയുടെ നായക വേഷത്തോടൊപ്പം റോഷൻ അവതരിപ്പിച്ച അമീറും ഏറെ നിരൂപക പ്രേക്ഷക പ്രശംസകള്‍ നേടിയിരുന്നു. ചിത്രം തീയേറ്ററുകളിലും മികച്ച പ്രതികരണം നേടിയിരുന്നു. ന്യൂയോര്‍ക്ക് ഇന്ത്യന്‍ ഫിലിം ഫെസ്റ്റിവലില്‍ മൂത്തോൻ മികച്ച ചിത്രമായിരുന്നു. നിവിന്‍ പോളി മികച്ച നടനായും അന്ന് തെരഞ്ഞെടുക്കപ്പെട്ടിരുന്നു. 'മൂത്തോനി'ൽ മുല്ല എന്ന കഥാപാത്രമായെത്തിയ സഞ്ജന ദീപുവിന് മികച്ച ബാലതാരത്തിനുള്ള പുരസ്‌കാരവും ലഭിച്ചിരുന്നു.

പാരിസില്‍ നടന്ന സൗത്ത് ഏഷ്യന്‍ ഫിലിം ഫെസ്റ്റിവൽ, ഫെസ്റ്റിവല്‍ ടു ഫിലിം ദി ഏഷ്യ ദി സുദു എന്നിവിടങ്ങളിലും 'മൂത്തോന്‍' മികച്ച ചിത്രമായിരുന്നു. 'ലയേഴ്‌സ് ഡൈസ്' എന്ന ചിത്രത്തിന് ശേഷം ഗീതു മോഹൻദാസ് സംവിധാനം ചെയ്ത ചിത്രമാണ് 'മൂത്തോൻ'. സിനിമയ്ക്ക് തിരക്കഥ രചിച്ചത് അനുരാഗ് കശ്യപും ഗീതുവും ചേര്‍ന്നായിരുന്നു. ചിത്രത്തിലെഹിന്ദി സംഭാഷണങ്ങള്‍ അനുരാഗ് കശ്യപാണ് എഴുതിയിട്ടുള്ളത്.

Also Read: അന്ന് അവര്‍ക്കായ് അപർണ്ണ മുടിമുറിച്ചു; ഇന്ന് അവർക്ക് പ്രത്യാശയേകി 'അതിജീവനം'

രാജീവ് രവിയാണ് ഛായാഗ്രഹണം നിര്‍വ്വഹിച്ച ചിത്രത്തിൽ നിവിന്‍ പോളിക്ക് പുറമെ ദിലീഷ് പോത്തന്‍, റോഷന്‍ മാത്യു, സുജിത് ശങ്കര്‍, ശോഭിത ധുലിപല, ശശാങ്ക് അറോറ, ജിം സര്‍ഭ്, ഹരീഷ് ഖന്ന, മെലീസ രാജു തോമസ് തുടങ്ങിയവരും പ്രധാന വേഷത്തിൽ അഭിനയിച്ചിരുന്നു.

Also Watch :