'രണ്ടാമൂഴം': ചെലവ് 1000 കോടി; സ്ഥിരീകരണവുമായി മോഹൻലാൽ

രാജ്യത്ത് ഇന്നേവരെയുണ്ടായിട്ടുള്ളതില്‍ വെച്ച് ഏറ്റവും മുതല്‍ മുടക്കുള്ള സിനിമയാകാൻ രണ്ടാമൂഴമൊരുങ്ങുന്നു. എം.ടി.വാസുദേവന്‍നായരുടെ 'രണ്ടാമൂഴം' 'മഹാഭാരതം' എന്ന പേരിലാണ് വെള്ളിത്തിരയില്‍ അവതരിക്കുക. മോഹൻലാലാണ് ഭീമനായി വേഷമിടുന്നത്. പ്രമുഖ പ്രവാസി വ്യവസായിയായ ബി.ആര്‍.ഷെട്ടിയാണ് 150 മില്യണ്‍ യു.എസ്. ഡോളര്‍(ആയിരം കോടി രൂപ) മുതല്‍ മുടക്കി നിര്‍മിക്കുക. മോഹൻലാൽ തന്നെയാണ് ഇക്കാര്യം വ്യക്തമാക്കിയത്. ഭീമന്‍റെ കാഴ്ചപ്പാടിലാണ് ചിത്രം ഒരുങ്ങുക.

എം.ടി.യുടെ തിരക്കഥയില്‍ പ്രശസ്ത പരസ്യചിത്ര സംവിധായകന്‍ വി.എ.ശ്രീകുമാര്‍ മേനോനാണ് ചിത്രം സംവിധാനം ചെയ്യുക. ചിത്രം രണ്ട് ഭാഗങ്ങളായാണ് ഒരുങ്ങുന്നത്. ആദ്യഭാഗത്തിന്‍റെ ചിത്രീകരണം അടുത്തവര്‍ഷം സെപ്റ്റംബറില്‍ ആരംഭിക്കാനാണ് പദ്ധതി. 2020-ല്‍ ആണ് റിലീസിനായി ഉദ്ദേശിച്ചിരിക്കുന്നത്. ആദ്യഭാഗം പുറത്തിറങ്ങി 90 ദിവസത്തിനുള്ളില്‍ രണ്ടാം ഭാഗവും റിലീസ് ചെയ്യും. ഹിന്ദി, ഇംഗ്ലീഷ്, തമിഴ്, തെലുങ്ക് ഭാഷകളില്‍ സിനിമ ചിത്രീകരിക്കും. മറ്റ് ഇന്ത്യന്‍ ഭാഷകളിലേക്കും വിദേശഭാഷകളിലേക്കും ഡബ്ബ് ചെയ്യാനും പദ്ധതി ഇട്ടിട്ടുണ്ട്.









Most awaited Indian movie Randamoozham to be start rolling soon: Mohanlal Confirmed

Most awaited Indian movie Randamoozham to be start rolling soon, Mohanlal Confirmed through Facebook Video