'മുദ്ദുഗൗ' നായികയുടെ തമിഴ് ചിത്രം ‘സെമ’; ട്രെയിലറെത്തി

മലയാള ചിത്രം 'മുദ്ദുഗൗ'വിൽ ഗോകുൽ സുരേഷ് ഗോപിയുടെ നായികയായി മലയാളത്തിൽ അരങ്ങേറ്റം കുറിച്ച അര്‍ഥന തമിഴില്‍ തിളങ്ങുന്നു. ജി വി പ്രകാശിന്‍റെ നായികയായാണ് അര്‍ഥന തമിഴിൽ മുന്നേറുന്നത്. അര്‍ഥനയും ജി വി പ്രകാശും മുഖ്യ കഥാപാത്രങ്ങളെ അവതരിപ്പിക്കുന്ന സെമ എന്ന ചിത്രത്തിന്‍റെ ട്രെയിലര്‍ പുറത്തുവിട്ടു.




വല്ലിഗാന്ത് ആണ് ചിത്രം സംവിധാനം ചെയ്യുന്നത്. ജന, യോഗി ബാബു, കോവൈ സരള എന്നിവരാണ് ചിത്രത്തിലെ മറ്റുതാരങ്ങള്‍. മുദ്ദുഗൗവിന് ശേഷം തമിഴിലെത്തിയ അര്‍ഥന സംവിധായകൻ സമുദ്രക്കനി ഒരുക്കിയ തൊണ്ടന്‍ എന്ന തമിഴ് ചിത്രത്തിലും അഭിനയിച്ചിട്ടുണ്ട്. വെണ്ണിലാക്കബഡി കൂട്ടം എന്ന ചിത്രത്തിന്‍റെ രണ്ടാം ഭാഗത്തിലാണ് നടി ഇനി അഭിനയിക്കുക. 2015ൽ പുറത്തിറങ്ങിയ സീതമ്മ അന്തലു രാമയ്യ സിത്രലു എന്ന ചിത്രത്തിലൂടെ അര്‍ഥന തെലുങ്കിലും അരങ്ങേറ്റം നടത്തിയിരുന്നു.

Mudhugauv actress Arthana's Tamil Movie Sema's Trailer is out

Mudhugauv actress Arthana Vijayakumar's Tamil Movie Sema Official Trailer is out