മൂക്കുത്തി അമ്മന്‍ ദീപാവലിയ്ക്ക് എത്തും; ചിത്രം ഒടിടി റിലീസിന്

ആരാധകര്‍ ഏറെ പ്രതീക്ഷയോടെ കാത്തിരിക്കുന്ന നയന്‍താര ചിത്രമാണ് മൂക്കുത്തി അമ്മന്‍. ചിത്രത്തിന്റെ പോസ്റ്ററുകളും ലൊക്കേഷന്‍ ചിത്രങ്ങളുമെല്ലാം വെെറലായി മാറിയിരുന്നു. ഇപ്പോഴിതാ ചിത്രത്തിന്റെ റിലീസ് വിവരം പുറത്ത് വിട്ടിരിക്കുകയാണ് അണിയറ പ്രവർത്തകർ. ദീപാവലിയ്ക്ക് ചിത്രം പ്രേക്ഷകരിലേക്ക് എത്തും. ഒടിടി പ്ലാറ്റ്ഫോമായ ഡിസ്നി പ്ലസ് ഹോട്ട്സ്റ്റാറിലൂടെയായിരിക്കും ചിത്രം റിലീസ് ചെയ്യുക.

Also Read: കൊറോണ ഷൂട്ടിങ് മുടക്കിയപ്പോൾ കുഞ്ഞു ചാരിറ്റിക്കായ് പരമാവധി സമയം മാറ്റി വെച്ചു, പര്യടനം തുടരുന്നു; വിശേഷങ്ങളുമായി സന്തോഷ് പണ്ഡിറ്റ്!

ചിത്രത്തില്‍ മൂക്കുത്തി അമ്മനായിട്ടാണ് നയന്‍താര എത്തുന്നത്. ചിത്രത്തില്‍ നിന്നുമുള്ള നയന്‍താരയുടെ ചിത്രങ്ങള്‍ വെെറലായി മാറിയിരുന്നു. ദേവിയായുള്ള നയന്‍താരയുടെ രൂപമാറ്റം ചര്‍ച്ചയായി മാറിയിരുന്നു. അതേസമയം, സിനിമയുടെ ചിത്രീകരണ വേളയില്‍ നയന്‍താര മത്സ്യമാംസാദികള്‍ ഉപേക്ഷിച്ചിരുന്നതായും റിപ്പോര്‍ട്ടുകളുണ്ട്.

Also Read: ബിജു മേനോനും പാര്‍വതിയും ഷറഫുദ്ദിനും ഒന്നിക്കുന്നു, സംവിധാനം സാനു ജോണ്‍ വര്‍ഗീസ്!

ബാലാജിയും എന്‍ജെ ശരവണനും ചേര്‍ന്നാണ് ചിത്രം സംവിധാനം ചെയ്യുന്നത്. തിരക്കഥയും ഇവരുടേതാണ്. ബാലാജി തന്നെയാണ് ചിത്രത്തിലെ നായകന്‍. സ്മൃതി വെങ്കട്ട്, ഉര്‍വശി, അജയ് ഘോഷ്, ഇന്ദുജ രവിചന്ദ്രന്‍ തുടങ്ങിയവരാണ് ചിത്രത്തിലെ മറ്റ് താരങ്ങള്‍. ഇശാരി ഗണേഷാണ് ചിത്രം നിര്‍മ്മിക്കുന്നത്.