പുതിയ റെക്കോർഡ് നേടി 'മുന്തിരിവള്ളികള്‍ തളിര്‍ക്കുമ്പോൾ'

മോഹൻലാൽ- ജിബു ജേക്കബ് ടീം ഒന്നിച്ച മുന്തിരി വള്ളികൾ തളിർക്കുമ്പോൾ ബോക്‌സ് ഓഫീസിൽ തരംഗം സൃഷ്ടിക്കുന്നു. പത്തുദിവസം കൊണ്ട് 19 കോടിരൂപയാണ് ചിത്രം ബോക്സ് ഓഫീസില്‍ നിന്നും വാരിക്കൂട്ടിയത്. ഇന്ത്യയിലെ മുഴുവൻ കളക്ഷൻ എടുത്താൽ 20 കോടിക്ക് മുകളില്‍ വരും

പത്ത് ദിവസം കൊണ്ട് വിജയകരമായി 5000 ഷോകളും ചിത്രം പൂർത്തിയാക്കി. തിരുവനന്തപുരം ജില്ലയിലെ കളക്ഷൻ 75 ലക്ഷമാണ്. ഇതിൽ 46 ലക്ഷം ഏരീസ് പ്ലക്സ് തിയറ്ററിൽ നിന്ന് മാത്രം. കൊച്ചി മൾട്ടിപ്ലക്സുകളിൽ നിന്നും പത്തുദിവസം കൊണ്ട് ചിത്രം ഒരു കോടി കളക്ഷൻ നേടിയിരുന്നു.

മുന്തിരി വള്ളികൾ തളിർക്കമ്പോളിലൂടെ ഒപ്പം, പുലിമുരുകൻ എന്നീ ചിത്രങ്ങൾക്ക് ശേഷം മോഹൻലാലിന്റെ ഹാട്രിക് റോക്കോർഡാണിത്.

സിന്ധുരാജിന്റെ തിരക്കഥയിൽ വെള്ളിമൂങ്ങ സംവിധായകൻ ജിബു ജേക്കബാണ് ചിത്രം സംവിധാനം ചെയ്തിരിക്കുന്നത്. ചിത്രം കുടുംബപ്രേക്ഷകർക്കായുള്ള നല്ലൊരു വിരുന്നാണെന്നും പ്രേക്ഷകർ അഭിപ്രായപ്പെട്ടു.

ദൃശ്യത്തിന് ശേഷം മോഹൻലാൽ-മീന ജോഡി ഒന്നിക്കുന്നുവെന്ന പ്രത്യേകതയും ചിത്രത്തിനുണ്ട്.

Munthirivallikal Thalirkkumbol is a hit movie in theatres

Mohanlal starrer Munthirivallikal Thalirkkumbol creates new record in box office.