'കാതലേ' പാട്ടിലുള്ളത് നീല തിമിംഗലത്തിന്‍റെ കരച്ചിൽ

ഇതിനകം തിയറ്ററുകളിൽ തരംഗമായ ''96 ''എന്ന തമിഴ് ചിത്രത്തെ പറ്റി കൗതുകമുള്ളൊരു വാര്‍ത്ത എത്തിയിരിക്കുകയാണ്. ചിത്രം ഇറങ്ങും മുമ്പ് തന്നെ മലയാളിയായ ഗോവിന്ദ് മേനോൻ ചിത്രത്തിലേക്കായി ഈണമിട്ട ''കാതലേ കാതലേ'' എന്ന പാട്ട് ഹിറ്റ് ചാര്‍ട്ടുകളിലുണ്ടായിുരന്നു. ഈ ഗാനത്തിനിടയിൽ കേള്‍ക്കുന്ന ഒരു ശബ്ദമാണ് ഇപ്പോള്‍ രസകരമായ വാര്‍ത്തയായെത്തിയിരിക്കുന്നത്.

സംഗീത സംവിധായകനായ ഗോവിന്ദ് തന്നെയാണ് ഇതേപറ്റി പ്രതികരിച്ചിരിക്കുന്നത്. ഗാനത്തിനിടയിൽ കേള്‍ക്കുന്ന വിചിത്രമായ ഓരിയടൽ ശബ്ദം കുറക്കന്‍റേതല്ല പിന്നെയോ അത് നീതതിമിംഗലത്തിന്‍റെ കരച്ചിലിന്‍റെ ശബ്ദമാണെന്നാണ് ഗോവിന്ദ് മേനോൻ(govind vasantha) ഒരു തമിഴ് മാധ്യമത്തിന് നൽകിയ അഭിമുഖത്തിൽ പറഞ്ഞിരിക്കുന്നത്. സമുദ്രനിരപ്പിന് മുകളിലായി ആകാശപ്പറവകളെ കാണുമ്പോള്‍ തിമിംഗലങ്ങള്‍ ഇങ്ങനെയൊരു ശബ്ദം പുറപ്പെടുവിക്കും. സമുദ്രത്തിൽ കഴിയുന്ന തിമിംഗലങ്ങള്‍ക്ക് ആകാശപ്പറവകളോടുള്ള പ്രണയം പറയുന്നതാണെന്നതാണ് പൊതുവെ പറയാറ്.


അത്തരത്തിൽ നോക്കുമ്പോള്‍ ഒരുകാലത്തും ഒരുമിക്കാൻ സാധിക്കാത്ത അവരുടെ ജീവിതവുമായി കൂട്ടിവായിക്കുമ്പോള്‍ ചിത്രത്തിലെ നായകനും നായികയ്ക്കും ഒരു സാമ്യമുണ്ട്. അങ്ങനെയാണ് കാതലേ എന്ന ഗാനത്തിൽ തിമിംഗലത്തിന്‍റെ കരച്ചിൽ ശബ്ദം വയലിന്‍റെ ശബ്ദവുമായി കൂട്ടിചേര്‍ത്തവതരിപ്പിച്ചതെന്ന് ഗോവിന്ദിന്‍റെ വാക്കുകള്‍.