6 വർഷങ്ങൾക്ക് ശേഷം...
2014ല്‍ പുറത്തിറങ്ങിയ തോംസണ്‍ വില്ല എന്ന ചിത്രത്തിന് വേണ്ടിയായിരുന്നു എസ്പി വെങ്കിടേഷ് മലയാളത്തിൽ ഇതിന് മുന്‍പ് സംഗീതം ഒരുക്കിയത്. തമിഴിലും കന്നഡയിലും മറ്റുമുള്ള ചിത്രങ്ങൾക്ക് ഇതിനടയിൽ അദ്ദേഹം സംഗീതം ചെയ്തിട്ടുണ്ട്.
തിരിച്ചുവരവ് വെള്ളേപ്പത്തിലൂടെ...
നവാഗത സംവിധായകനായ പ്രവീണ്‍ രാജ് പൂക്കാടന്‍ സംവിധാനം ചെയ്യുന്ന വെള്ളേപ്പം എന്ന സിനിമയിലൂടെയാണ് പ്രിയ സംഗീത സംവിധായകന്‍റെ തിരിച്ചുവരവ്. ചിത്രത്തിന് വേണ്ടി ഗാനങ്ങളും പശ്ചാത്തലസംഗീതവും ഒരുക്കുന്നത് അദ്ദേഹമായിരിക്കും. ഏറെ നാളുകള്‍ക്ക് ശേഷം മലയാളത്തിലേക്ക് തിരിച്ചെത്തുന്നതില്‍ സന്തോഷമുണ്ടെന്ന് വെള്ളേപ്പത്തിന്‍റെ പോസ്റ്റര്‍ പങ്കുവെച്ചുകൊണ്ട് അദ്ദേഹം ഫേസ്ബുക്കിൽ കുറിച്ചിട്ടുമുണ്ട്.
റോമയുടെ തിരിച്ചുവരവും ഈ ചിത്രത്തിലൂടെ...
നൂറിന്‍ ഷരീഫ്, അക്ഷയ് രാധാകൃഷ്ണൻ എന്നിവർ നായകനും നായികയുമാകുന്ന ചിത്രത്തിൽ റോമ പ്രധാന്യമുള്ളൊരു കഥാപാത്രത്തെ അവതരിപ്പിക്കുന്നുണ്ട്.
നവാഗതരോടൊപ്പം മടങ്ങിവരവ്
ജീവന്‍ ലാല്‍ ആണ് തിരക്കഥ ഒരുക്കുന്നത്. തൃശൂരിലെ വെള്ളേപ്പങ്ങാടിയുടെ പശ്ചാത്തലത്തിൽ ഒരുങ്ങുന്ന സിനിമയിൽ ഷൈന്‍ ടോം ചാക്കോ, ശ്രീജിത് രവി തുടങ്ങിയവരും പ്രധാനവേഷങ്ങളിലുണ്ട്.
വെള്ളേപ്പങ്ങാടിയുടെ കഥ
ലീല ഗിരീഷ് കുട്ടൻ ഒരുക്കുന്ന പാട്ടുകളും ചിത്രത്തലുണ്ട്. അജീഷ് എം ദാസൻ, മനു മഞ്ജിത്ത് എന്നിവർ ചേര്‍ന്നാണ് ഗാനരചന. ഷിഹാബ് ഓങ്ങല്ലൂര്‍ ഛായാഗ്രഹണവും ഷമീര്‍ മുഹമ്മദ് എഡിറ്റിംഗും നിര്‍വഹിച്ചിരിക്കുന്ന ചിത്രം ജിന്‍സ് തോമസും ദ്വാരക് ഉദയശങ്കറും ചേര്‍ന്നാണ് നിര്‍മ്മിക്കുന്നത്.