ഒടിയനിലെ 'മുത്തപ്പന്റെ ഉണ്ണീ' എന്ന വീഡിയോ ഗാനം ഇറങ്ങി

വി എ ശ്രീകുമാര്‍ മേനോന്‍റെ സംവിധാനത്തിൽ പ്രദര്‍ശനത്തിനെത്തിയ മോഹന്‍ലാല്‍ ചിത്രം ഒടിയനിലെ പുതിയ വീഡിയോ ഗാനം പുറത്തിറങ്ങി. 'മുത്തപ്പന്റെ ഉണ്ണീ' എന്ന് തുടങ്ങുന്ന ഗാനമാണ് പുറത്തുവന്നിരിക്കുന്നത്. ലക്ഷ്മി ശ്രീകുമാറിന്‍റെ വരികള്‍ക്ക് എം ജയചന്ദ്രന്‍ സംഗീതം പകര്‍ന്ന് എം.ജി ശ്രീകുമാര്‍ ആലപിച്ചിരിക്കുന്ന ഗാനമാണിത്.

മുത്തപ്പൻ ചെറുപ്പകാലത്ത് ഒടിയൻ മാണിക്യനെ ഒടി വിദ്യകള്‍ പരിശീലിപ്പിക്കുന്നതാണ് ഗാനത്തിൽ കാണിച്ചിരിക്കുന്നത്. ചിത്രത്തിലെ മികച്ച ഗാനങ്ങളിൽ ഒന്നുകൂടിയാണ് ഈ പാട്ട്. മനോജ് ജോഷി എന്ന ബോളിവുഡ് താരമാണ് ഒടിയന്‍റെ മുത്തപ്പനായി എത്തിയിരിക്കുന്നത്.