സംവിധായക മേലങ്കിയോടെ നാദിര്‍ഷ തമിഴിലേക്ക്; 'കട്ടപ്പനയിലെ ഋത്വിക് റോഷൻ' ഇനി തമിഴ് പേശും

കൊമേഡിയനായും നടനായും പേരെടുത്ത ശേഷം സംവിധായക മേലങ്കി അണിഞ്ഞ് മോളിവുഡിന് വൻ വിജയം സമ്മാനിച്ച നാദിര്‍ഷ കോളിവുഡിലേക്ക് ചുവടുവെയ്ക്കുന്നു. നാദിര്‍ഷ സംവിധാനം ചെയ്ത രണ്ട് ചിത്രങ്ങളും സൂപ്പര്‍ഹിറ്റായതോടെ മലയാളത്തിലെ മുൻനിര സംവിധായകരുടെ പട്ടികയിൽ ഇടം നേടിയ നാദിര്‍ഷ തന്‍റെ സ്വന്തം 'കട്ടപ്പനയിലെ ഋത്വിക് റോഷനെ'യാണ് തമിഴിൽ ഒരുക്കുക.

'അജിത് ഫ്രം അറുപ്പുക്കോട്ടൈ' എന്നു പേരിട്ടിരിക്കുന്ന ചിത്രത്തില്‍ പുതുമുഖം നായകനാകുന്നെന്ന് റിപ്പോര്‍ട്ടുകൾ സൂചിപ്പിക്കുന്നു. ഇതിനായി വിജയ് ടിവിയിലെ ഒരു അവതാരകനെ തെരഞ്ഞെടുത്തിട്ടുണ്ടെന്നും റിപ്പോര്‍ട്ടുകളുണ്ട്. മലയാളത്തില്‍ സിദ്ദിഖ് അവതരിപ്പിച്ച വേഷം സത്യരാജ് കൈകാര്യം ചെയ്യുമ്പോൾ സലിംകുമാര്‍ അവതരിപ്പിച്ച കഥാപാത്രത്തെ വടിവേലുവും അവതരിപ്പിക്കും. പൊള്ളാച്ചിയിൽ ആയിരിക്കും ചിത്രത്തിന്‍റെ ഭൂരിഭാഗരംഗങ്ങളും ചിത്രീകരിക്കുക.



Nadirshah to direct his New Movie in Tamil

Actor cum director Nadirshah to direct his New Movie in Tamil; remaking his own movie Kattappanayile Rithwik Roshan names as Ajith from Aruppukottai