ദേശീയ പുരസ്കാര ജേതാവും നടനുമായ മുസ്തഫ സംവിധായകനാകുന്നു

ദേശീയ പുരസ്കാര ജേതാവും നടനുമായ മുഹമ്മദ് മുസ്തഫ സംവിധായകൻ്റെ കുപ്പായമണിയാനൊരുങ്ങുന്നു. മുസ്തഫ തന്നെയാണ് ഇക്കാര്യം വെളിപ്പെടുത്തിയിരിക്കുന്നത്. ഇതുവരെ പേരിട്ടിട്ടില്ലാത്ത സിനിമയിൽ റോഷൻ മാത്യു, ശ്രീനാഥ് ഭാസി, അന്ന ബെൻ, സുധി കോപ്പ, ജാഫർ ഇടുക്കി എന്നിവര്‍ മുഖ്യ കഥാപാത്രങ്ങളെ അവതരിപ്പിക്കും.

കഥാസ് അൺടോൾഡിൻ്റെ ബാനറിൽ ഒരുങ്ങുന്ന ആദ്യ ചിത്രത്തിന് നിഖിൽ വാഹിദ്, സുദാസ്, മുസ്തഫ എന്നിവർ ചര്‍ന്നാണ് തിരക്കഥയൊരുക്കുന്നത്. ജിംഷി ഖാലിദാണ് ചിത്രത്തിൻ്റെ ഛായാഗ്രഹണം നിര്‍വഹിക്കുന്നത്. വിനായക് ശശികുമാര്‍ ഒരുക്കുന്ന വരികൾക്ക് സുഷിൻ ശ്യാം സംഗീതം നൽകും.


അനീസ് നാടോടിയാണ് ചിത്രത്തിനായി കലാസംവിധാനം നിർവഹിക്കുന്നത്. ഡിക്സൺ പൊടുത്താസ് ആണ് ചിത്രത്തിൻ്റെ പ്രൊഡക്‌ഷൻ കൺട്രോളർ. ക്രിയേറ്റീവ് കോൺട്രിബ്യൂട്ടറായി സുരേഷ് ബാബുവും, നൗഫല്‍ അബ്ദുള്ള ചിത്രസംയോജകനായും പ്രവര്‍ത്തിക്കുന്നു.കോഴിക്കോടും പരിസരപ്രദേശങ്ങളിലുമായി സെപ്റ്റംബർ അവസാനവാരത്തോടെ സിനിമയുടെ ചിത്രീകരണം ആരംഭിക്കും.