തൻ്റെ മടക്ക ചിത്രത്തിൽ രാധാമണി എന്ന കഥാപാത്രമായാണ് നവ്യ എത്തുന്നത്. സംവിധായകൻ വികെ പ്രകാശ് പ്രാണയ്ക്ക് ശേഷം സംവിധാനം ചെയ്യുന്ന ചിത്രമാണ് ഒരുത്തീ. ഒരുത്തീയിലൂടെ ഒരു വീട്ടമ്മയുടെ അതിജീവന കഥയാണ് സംവിധായകൻ പറയുന്നത്. വളരെ സാധാരണക്കാരിയായ വീട്ടമ്മയാണ് രാധാമണി. അവരുടെ ജീവിതത്തിൽ ആകസ്മികമായി ചില സംഭവങ്ങൾ നടക്കുന്നു. അതിനെ ചുറ്റിപ്പറ്റി നടക്കുന്ന സംഭവവികാസങ്ങളും അതിനെ അതിജീവിക്കുകയും ചെയ്യുന്നതാണ് സിനിമയുടെ പ്രമേയം. ഒരു സ്ത്രീയുടെ പോരാട്ടത്തിന്റെയും സഹനത്തിന്റെയും കഥയാണ് ഈ ചിത്രം പറയുന്നത്.
നവ്യ നായർ
ചിത്രത്തിൽ വിനായകനും സൈജു കുറുപ്പും പ്രധാന വേഷങ്ങളിൽ എത്തുന്നുണ്ട്. കൊച്ചിയിലും പരിസരപ്രദേശങ്ങളിലുമായാണ് ചിത്രത്തിൻ്റെ ഷൂട്ടിങ് പൂർത്തിയാക്കിയത്. ഒറ്റ ഷെഡ്യൂളിലാണ് ഒരുത്തീ എന്ന ചിത്രത്തിൻ്റെ ഷൂട്ടിങ് പൂര്‍ത്തീകരിച്ചത്.
വൈപ്പിനിലെ ചിത്രം
വൈപ്പിനിലാണ് ചിത്രത്തിൻ്റെ പ്രധാന ഭാഗങ്ങളെല്ലാം ചിത്രീകരിച്ചത്. വൈപ്പിനിലെ പ്രാദേശിക സംസാരരീതിയും ചിത്രത്തിലുൽ ഉപയോഗിച്ചിട്ടുണ്ടെന്നതാണ് മറ്റൊരു പ്രത്യേകത.
ഒരുത്തീ
ഒരുത്തീയില്‍ കേരളത്തിന്റെ നിലവിലെ സാമൂഹ്യ-രാഷ്ട്രീയ വിഷയങ്ങളും പരോക്ഷമായി ചൂണ്ടിക്കാട്ടുന്നുണ്ടെന്ന് അണിയറ പ്രവർത്തകർ വ്യക്തമാക്കി.
വൻ താരനിര
കെ.പി.എ.സി. ലളിത, ജയശങ്കര്‍, മുകുന്ദന്‍, സന്തോഷ് കീഴാറ്റൂര്‍, വൈശാഖ്, ശ്രീദേവി വര്‍മ്മ, ആദിത്യന്‍, അതിഥി, കലാഭവന്‍ ഹനീഫ്, രാജേന്ദ്രബാബു, മനു രാജ്, ചാലി പാല, അരുണ്‍ ഘോഷ്, സണ്ണി, അഞ്ജന എന്നിവരാണ് മറ്റ് താരങ്ങൾ.
കാത്തിരിപ്പിൽ ആരാധകർ
ബെന്‍സി പ്രൊഡക്ഷന്‍സിന്റെ ബാനറില്‍ ബെന്‍സി നാസര്‍ ആണ് ഒരുത്തീ നിര്‍മ്മിക്കുന്നത്. എസ്. സുരേഷ്ബാബുവാണ് ചിത്രത്തിന് കഥ,തിരക്കഥ, സംഭാഷണം എന്നിവ ഒരുക്കിയിരിക്കുന്നത്.
പ്രഗത്ഭ ടീം പിന്നണിയിൽ
ജിംഷി ഖാലിദാണ് ഛായാഗ്രഹണം, ആലങ്കോട് ലീലാകൃഷ്ണന്‍, ബി.കെ ഹരിനാരായണന്‍ എന്നിവർ ചേർന്ന് ചിത്രത്തിലെ ഗാനങ്ങൾക്ക് രചന നിർവ്വഹിച്ചിരിക്കുന്നു, ഗോപി സുന്ദറാണ് സംഗീതം.