നേഹ ധൂപിയയും അംജദ് ബേഡിയും വിവാഹിതരായി

ബോളിവുഡിൽ മറ്റൊരു താരവിവാഹം കൂടി. ബോളിവുഡ് താരങ്ങളായ നേഹ ധൂപിയയും അംഗദ് ബേഡിയും വിവാഹിതരമായി. വിവരം നേഹ ധൂപിയ തന്നെയാണ് സോഷ്യൽ മീഡിയ വഴി പങ്കുവെച്ചത്. ജീവിതത്തിലെ ഏറ്റവും മികച്ച തീരുമാനമെന്നാണ് നേഹ വിവാഹത്തെക്കുറിച്ച് എഴുതിയത്.



തന്‍റെ ഏറ്റവും നല്ല സുഹൃത്തിനെ വിവാഹം ചെയ്തെന്ന് നേഹ ട്വിറ്ററിൽ കുറിച്ചപ്പോള്‍ "ഉറ്റ സുഹൃത്ത്, ഇപ്പോള്‍ ഭാര്യ" എന്നായിരുന്നു അംഗദ് കുറിച്ചത്.



വിവാഹത്തെക്കുറിച്ച് ഇരുവരും മുൻപ് സൂചനകളൊന്നും നല്‍കിയിരുന്നില്ല. ഡൽഹിയിൽ വെച്ചാണ് ചടങ്ങ് നടന്നതെന്നാണ് റിപ്പോര്‍ട്ടുകള്‍. സിഖ് മതാചാരപ്രകാരമായിരുന്നു വിവാഹം.

എൻ എസ് മാധവന്‍റെ വൻമരങ്ങള്‍ വീഴുമ്പോല്‍ എന്ന ചെറുകഥയെ ആസ്പദമാക്കി ശശികുമാര്‍ സംവിധാനം ചെയ്ത ചിത്രത്തിൽ അംഗദ് ബേഡി കേന്ദ്രകഥാപാത്രത്തെ അവതരിപ്പിച്ചിരുന്നു. പിങ്ക്, ഡിയര്‍ സിന്ദഗി, ടൈഗര്‍ സിന്ദാ ഹേ തുടങ്ങിയവയാണ് മറ്റു ചിത്രങ്ങള്‍.

2003ൽ പുറത്തിറങ്ങിയ ഖയാമത് എന്ന ചിത്രത്തിലൂടെയാണ് നേഹ ധൂപിയ അഭിനയരംഗത്ത് എത്തിയത്. സിങ് ഈസ് കിങ്, ഡിയര്‍ ഫ്രണ്ട് ഹിറ്റ്ലര്‍, മിഥ്യ തുടങ്ങിയവയാണ് മറ്റു പ്രധാനചിത്രങ്ങള്‍.