നേരത്തിന്റെ തമിഴ് റീമേക്കിൽ നസ്രിയയുടെ സഹോദര വേഷം ചെയ്ത സായ് പ്രശാന്ത് ആത്മഹത്യ ചെയ്തു. ഞായറാഴ്ചയാണ് സംഭവം ഉണ്ടായത്. വിഷം കഴിച്ചാണ് മരണമെന്ന് പോലീസ് പറഞ്ഞു. ആത്മഹത്യയിലേക്ക് നയിച്ച കാരണം വ്യക്തമല്ലെന്നും കഴിഞ്ഞ കുറേനാളായി ഏകാന്തതയിലായിരുന്നു പ്രശാന്തെന്നും പോലീസ് പറഞ്ഞു. കിൽപൗക് മെഡിക്കൽ കോളേജിൽ പോസ്റ്റ് മോർട്ടം ചെയ്യാനായി പ്രശാന്തിന്റെ മൃതദേഹം കൊണ്ടുപോയി. ആദ്യഭാര്യയുമായി വിവാഹബന്ധം വേർപെടുത്തിയ സായ് പ്രശാന്ത് മൂന്ന് മാസം മുൻപാണ് പുനർ വിവാഹിതനായത്. തെഗിഡി, വടക്കറി തുടങ്ങിയ തമിഴ് ചിത്രങ്ങളിലും അഭിനയിച്ചിട്ടുള്ള സായ് പ്രശാന്ത് ഏതാനും സീരിയലുകളിലും പ്രത്യക്ഷപ്പെട്ടിരുന്നു. വീഡിയോ ജോക്കിയായാണ് പ്രശാന്തിന്റെ കരിയർ ആരംഭിച്ചത്.
നേരം ഫെയിം സായ് പ്രശാന്ത് ആത്മഹത്യ ചെയ്തു
നേരത്തിന്റെ തമിഴ് റീമേക്കിൽ നസ്രിയയുടെ സഹോദര വേഷം ചെയ്ത സായ് പ്രശാന്ത് ആത്മഹത്യ ചെയ്തു.
TNN 14 Mar 2016, 10:56 am