'തപ്പെ സുണ്ടി വില്ല്' ഏറ്റുവാങ്ങി വിജീഷ് മണി; കിട്ടിയതിൽ വെച്ച് ഏറ്റവും വലിയ അംഗീകാരമെന്ന് സംവിധായകൻ!

ചലച്ചിത്രമേളകളിൽ ഏറെ ശ്രദ്ധ നേടിയ ചിത്രമാണ് നേതാജി. ചിത്രത്തിൻ്റെ സംവിധായകൻ വിജീഷ് മണിയാണ്. നമോ എന്ന പുതിയ സംസ്കൃത ഭാഷയിലെ ചിത്രമാണ് വിജീഷ് മണി ഒടുവിൽ ഒരുക്കുയത്. ഇപ്പോഴിതാ സംവിധായകന് പുതിയതും വേറിട്ടതുമായ ഒരു അംഗീകാരം സ്വന്തമാക്കിയ വിശേഷം പങ്കുവെച്ചിരിക്കുകയാണ്. ആദിവാസി സഹോദരങ്ങളാണ് സംവിധായകൻ വിജീഷ് മണിയ്ക്ക് പുതിയ അംഗീകാരം നൽകിയത്.

Also Read: മൂക്കുത്തി അമ്മന്‍ ദീപാവലിയ്ക്ക് എത്തും; ചിത്രം ഒടിടി റിലീസിന്

ആദ്യമായി 'ഇരുള'ഭാഷയിൽ നേതാജി എന്ന സിനിമ എടുത്ത സംവിധായകൻ വിജീഷ് മണിക്ക് ആദിവാസി സഹോദരങ്ങൾ അട്ടപ്പാടി മാരിയമ്മൻ കോവിലിന് മുന്നിൽ വെച്ച് ബഹുമാന സൂചകമായ "തപ്പെ സുണ്ടി വില്ല്" നൽകി ആദരിച്ചിരിക്കുകയാണ്. ഈ സ്വീകരണം നാളിതു വരെ തനിക്ക് ലഭിച്ചിട്ടുള്ള അംഗീകാരങ്ങളിൽ നിന്നും ഉയരത്തിൽ നിൽക്കുന്നുവെന്നും അതുകൊണ്ടു തന്നെ ഈ ആദരവ് താൻ ഹൃദയത്തിൽ ചേർക്കുന്നുവെന്നുമാണ് വിജീഷ് മണി പറയുന്നത്.

Also Read: കുഞ്ഞിക്കെെകളില്‍ മെെലാഞ്ചിയിട്ട് സായി പല്ലവി; പ്രശംസിച്ച് താരങ്ങള്‍

നഞ്ചമ്മ, കുപ്പുസ്വാമി, ബാലൻ, മുരുകേഷ് മറ്റു ഇരുള സഹോദരർക്കും നന്ദി പ്രകാശിപ്പിച്ചു. ആതിര ദിൽജിത്താണ് പി ആർ ഓ. അട്ടപ്പാടിയിലെ ആദിവാസി സമൂഹത്തിന്റെ ഭാഷയായ 'ഇരുള'യിലിറങ്ങുന്ന ആദ്യ സിനിമ എന്ന നിലയില്‍ 'നേതാജി' എന്ന ചിത്രം നേരത്തെ തന്നെ ഗിന്നസ് ബുക്കില്‍ ഇടം പിടിച്ചിരുന്നു.