റഹ്‍‍മാൻ–ഭാമ ചിത്രം മറുപടിയുടെ ട്രെയിലർ എത്തി

റഹ്‍‍മാനെയും ഭാമയെയും കേന്ദ്രകഥാപാത്രങ്ങളാക്കി വി എം വിനു സംവിധാനം ചെയ്യുന്ന മറുപടി എന്ന ചിത്രത്തിന്‍റെ ട്രെയിലര്‍ അണിയറ പ്രവര്‍ത്തകര്‍ പുറത്തു വിട്ടു. ഒരു ഫാമിലി ത്രില്ലറായാണ് ചിത്രം ഒരുക്കിയിരിക്കുന്നത്. വര്‍ഷങ്ങള്‍ക്ക് മുന്‍പ് ഉത്തരേന്ത്യയിലെ ഒരു ജയിലില്‍ നടന്ന സംഭവത്തെ ആസ്‍‍‍പദമാക്കിയാണ് ചിത്രത്തിന്‍റെ കഥ തയ്യാറാക്കിയത്. നീതിക്ക് വേണ്ടി പോരാടുന്ന ഒരു സ്ത്രീയുടെ കഥയാണ് ചിത്രത്തിലൂടെ വരച്ചു കാട്ടുന്നത്. ഭാമയുടെ കരുത്തുറ്റകഥാപാത്രമാകും ചിത്രത്തിലേത്. ജൂലിയാന അഷ്‌റഫാണ് ചിത്രത്തിനു വേണ്ടി തിരക്കഥ രചിച്ചിരിക്കുന്നത്.

ബേബി നയന്‍താര, വസന്തോഷ് കീഴാറ്റൂര്‍, ടെസ, അഞ്ജലി അനീഷ്, ജനാര്‍ദ്ദനന്‍ എന്നിവരാണ് ചിത്രത്തിലെ മറ്റു മുഖ്യ വേഷങ്ങൾ കൈകാര്യം ചെയ്തിരിക്കുന്നത്. റഫീഖ് അഹമ്മദ് രചിച്ച ഗാനങ്ങള്‍ക്ക്സംഗീതം പകര്‍ന്നിരിക്കുന്നത് എം ജയചന്ദ്രനാണ്. ഡിസംബര്‍ 9നാണ് ചിത്രം തിയേറ്ററുകളിലെത്തുക.



New malayalam movie marupadi's trailer out