അര്‍ജ്ജുനും സംയുക്തയും ഷെെനും പ്രധാന വേഷങ്ങളില്‍; 'വൂള്‍ഫ്' ഇന്ന് മുതല്‍

അർജ്ജുൻ അശോക് , സംയുക്ത മേനോൻ , ഷൈൻ ടോം ചാക്കോ , ഇർഷാദ് , ജാഫർ ഇടുക്കി എന്നിവരെ പ്രധാന കഥാപാത്രങ്ങളാക്കി , ദാമർ സിനിമയുടെ ബാനറിൽ സന്തോഷ്‌ ദാമോദരൻ നിർമ്മിക്കുന്ന 'വൂൾഫ്‌ 'കർശനമായ കോവിഡ് പ്രോട്ടോക്കോൾ പാലിച്ച് ഇന്ന് പെരുമ്പാവൂരിൽ ആരംഭിയ്ക്കുന്നു.

Also Read: ടോവിനോ - ഐശ്വര്യ ലക്ഷ്മി ചിത്രം 'കാണെക്കാണെ'; പുത്തൻ വിശേഷം പങ്കിട്ട് ടൊവിനോ!

സംവിധായകന്‍ ഷാജി അസീസിന്റെ മൂന്നാമത്തെ ചിത്രമാണ് വൂൾഫ് . തൃശൂർ മലയാള പഠന ഗവേഷണ കേന്ദ്രത്തിൽ നിന്നും മലയാളത്തിൽ ബിരുദാനന്തര ബിരുദം നേടിയ ഷാജി അസീസ് സംവിധായകരായ ടി. കെ. രാജീവ് കുമാർ, അനിൽ. സി മേനോൻ, പ്രിയനന്ദനൻ, കെ. കെ. രാജീവ് തുടങ്ങി പതിനഞ്ചോളം സംവിധായകരുടെ കൂടെ സഹസംവിധായകനായി വർക്ക്‌ ചെയ്ത ശേഷമാണ് നാടകം കഥാപശ്ചാത്തലമായി വരുന്ന 'ഷേക്‌സ്പിയർ എം. എ. മലയാളം ' എന്ന സിനിമയുടെ തിരക്കഥ - സംവിധാന പങ്കാളിയായി സ്വാതന്ത്രനാകുന്നത്.

Also Read: നവദമ്പതികളായി സുരാജും നിമിഷയും; 'ദി ഗ്രേറ്റ് ഇന്ത്യൻ കിച്ചൺ' ഫസ്റ്റ് ലുക്ക് പോസ്റ്റർ ശ്രദ്ധേയമാകുന്നു!

ഒരിടത്തൊരു പോസ്റ്റ്‌ മാൻ എന്ന ചിത്രത്തിന് ശേഷം സംവിധാനം ചെയ്ത സോഷ്യൽ സറ്റയർ ടെലിവിഷൻ സീരിയൽ M80 മൂസ ഏറെ ശ്രദ്ധിക്കപ്പെട്ടു. ജിആര്‍ ഇന്ദുഗോപനാണ് ചിത്രത്തിന്റെ രചന നിര്‍വ്വഹിച്ചിരിക്കുന്നത്. കേരളീയ തനത് ജീവിതവും , മനുഷ്യ മനസ്സിന്റെ അനിശ്ചിത കാലാവസ്ഥയും പച്ചകുത്തിയ ക്രൈം രചനകളിലൂടെ മലയാളത്തിൽ സ്വന്തം വായനക്കാരെ സൃഷ്ടിച്ച എഴുത്തുകാരനാണ് ജി ആർ ഇന്ദുഗോപൻ. ഫായിസ് സിദ്ദീഖ് ആണ് ചിത്രത്തിന്റെ ഛായാഗ്രഹണം. സംഗീതം രഞ്ജീന്‍ രാജ്. നൗഫല്‍ അബ്ദുള്ളയാണ് എഡിറ്റിങ് നിര്‍വ്വഹിക്കുന്നത്.