കാമുകനെ വിശ്വസിച്ച് ഇറങ്ങി കാട്ടിൽ പെട്ടുപോയാൽ...

സ്ത്രീസുരക്ഷ മുൻനിർത്തി ഒരു ഹ്രസ്വചിത്രം. പെൺകുട്ടികളുടെ വിശ്വാസത്തെ ചൂഷണം ചെയ്യുന്ന കാമുകന്മാരെയാണ് ചിത്രം വരച്ചിടുന്നത്. വനാന്തരത്തിൽ ഇത്തരത്തിൽ അകപെട്ടുപോകുന്ന പെൺകുട്ടിയുടെ കഥയാണ് വിക്ടിം എന്ന് പേരിട്ടിരിക്കുന്ന ഹ്രസ്വചിത്രം പറയുന്നത്.

പൊന്തമ്പുഴ കാടുകളിലും മറ്റുമായാണ് ചിത്രീകരണം പൂർത്തിയാക്കിയിരിക്കുന്നത്. നവംബർ അവസാനത്തോടെ റിലീസാകുന്ന 12 മിനിറ്റ് ചിത്രത്തിന്‍റെ ടീസർ സോഷ്യൽമീഡിയയിൽ വൈറലാവുകയാണ്.

വേവ്സ് ഫൗണ്ടേഷന്റെ നേത്രത്തിൽ പതിപ്പള്ളിൽ ഫിലിംസിന്‍റെ ബാനറിൽ ലിന്‍റോ പതിപ്പള്ളിൽ ആണ് ഷോ‍ർട്ട് ഫിലിം നിർമിച്ചിരിക്കുന്നത്. അബിൻഷാ ആസാദാണ് കഥയും സംവിധാനവും നിർവ്വഹിച്ചിരിക്കുന്നത്. ജിസ്ബിൻ സെബാസ്റ്റ്യൻ ക്യാമറയും കൈകാര്യം ചെയ്തിരിക്കുന്നതു. കേരളത്തിലെ സ്കൂളുകളിലും കോളേജുകളിലും ഈ കൊച്ചു ചിത്രത്തിന്റെ പ്രദര്ശനം ഉടൻ തുടങ്ങുമെന്ന് അണിയറപ്രവർത്തകർ അറിയിച്ചിട്ടുണ്ട്.