രാമന്‍റെ ഏദൻതോട്ടത്തിലെ 'മാവിലക്കുടിൽ' എന്ന സുന്ദരഗാനം കാണാം

കുഞ്ചാക്കോ ബോബനും അനു സിത്താരയും മുഖ്യ വേഷത്തിലെത്തുന്ന രാമന്‍റെ ഏദൻതോട്ടത്തിലെ പുതിയ വീഡിയോ ഗാനം പുറത്തിറങ്ങി. രാജലക്ഷ്മി ആലപിച്ച ‘മാവിലക്കുടിൽ’ എന്നു തുടങ്ങുന്ന ഗാനമാണ് റിലീസ് ചെയ്തത്. സന്തോഷ് വർമ്മയുടെ വരികൾക്ക് ബിജിബാലാണ് ഈണം നൽകിയിരിക്കുന്നത്.

രാമൻ എന്നു വിളിക്കുന്ന നാല്പതു വയസ്സുള്ള രാം മേനോൻ എന്ന കഥാപാത്രത്തെയാണ് ചിത്രത്തിൽ കുഞ്ചാക്കോ ബോബൻ അവതരിപ്പിക്കുന്നത്. 500 ഏക്കർ വിസ്തൃതിയുള്ള കാടിനോടു ചേർന്നു കിടക്കുന്ന ഒരു റിസോർട്ടാണ് രാമന്‍റെ ഏദൻ തോട്ടം. വളരെ കുറച്ചു അതിഥികൾ മാത്രമുള്ള പരിമിതമായ സൗകര്യങ്ങളുള്ള മനോഹരമായ ഒരു റിസോർട്ടാണിത്. ജോജു ജോർജ്ജ്, രമേഷ് പിഷാരടി, അജു വർഗ്ഗീസ്, മുത്തു മണി എന്നിവരാണ് ചിത്രത്തിലെ മറ്റ് അഭിനേതാക്കൾ. ചിത്രം മെയ് 12 ന് തീയറ്ററിൽ എത്തും.




New song from the Movie Ramante Edanthottam is out

New Video song from New Malayalam Upcoming Movie Ramante Edanthottam. starring Kunchacko Boban and Anu Sithara