ടൊവിനോ ചിത്രം 'ഗോദ'യിലെ പുതിയ ഗാനം പുറത്തു വിട്ടു

കുഞ്ഞിരാമായണത്തിനു ശേഷം ബേസിൽ ജോസഫ് സംവിധാനം ചെയ്യുന്ന ചിത്രം ഗോദയിലെ മനോഹര ഗാനം പുറത്തിറങ്ങി. വിനായക് ശശികുമാര്‍ രചിച്ച ഓ റബ്ബാ എന്ന് തുടങ്ങുന്ന ഗാനമാണ് പുറത്തു വന്നത്. സിയാ ഉൾ ഹക്ക് ആണ് ഗാനം ആലപിച്ചിരിക്കുന്നത്. ടൊവീനോ തോമസാണ് ചിത്രത്തിൽ നായകനാകുന്നത്. ആക്​ഷനും കോമഡിയും ചേർത്തൊരുക്കുന്ന എന്‍റർടെയ്നറാകും ചിത്രം. പഞ്ചാബി നടി വമീഖ ഗബ്ബിയാണ് നായിക. രണ്‍ജി പണിക്കര്‍, അജു വര്‍ഗ്ഗീസ് തുടങ്ങിയവരാണ് മറ്റ് പ്രധാന വേഷങ്ങൾ കൈകാര്യം ചെയ്യുന്നത്.

തിരയുടെ രചയിതാവ് രാകേഷ് മണ്ടോടിയാണ് ഗോദയുടെ തിരക്കഥ രചിച്ചിരിക്കുന്നത്. ഷാന്‍ റഹ്മാനാണ് ചിത്രത്തിന് സംഗീതം പകര്‍ന്നിരിക്കുന്നത്. ഇ ഫോര്‍ എന്‍റര്‍ടെയ്ന്‍മെന്‍റിന്‍റെ ബാനറില്‍ മുകേഷ് ആര്‍ മെഹ്തയാണ് ചിത്രം നിർമിക്കുന്നത്. മെയ് 11ന് തിയറ്ററുകളിലെത്തും.




New Song is out from the movie Goda, starring Tovino

New Song Released from the movie Goda, starring Tovino Thomas and Panjabi Actress Wamiqa Gabbi