'മൈ സ്റ്റോറി'യിലെ പുതിയ ഗാനത്തിനു നേരേയും ‘സൈബർ ആക്രമണം’

നവാഗതയായ റോഷ്‌നി ദിനകര്‍ പൃഥ്വിരാജിനെയും പാര്‍വതിയെയും മുഖ്യ കഥാപാത്രങ്ങളായി ഒരുക്കിയ മൈ സ്റ്റോറിയിലെ പുതിയ ഗാനം പുറത്തിറങ്ങി. പ്രണയ ചിത്രത്തിലെ പുതിയ ഗാനത്തിനു നേരേയും സൈബർ ആക്രമണം ശക്തമാണ്. ചിത്രത്തിലെ മുൻപ് പുറത്തിറങ്ങിയ ഗാനത്തിന് നേരേയും സമാനമായ രീതിയിൽ സൈബര്‍ ആക്രമണം നേരിട്ടിരുന്നു. അത് യൂട്യൂബിൽ ഡിസ്ലൈക്കുകളായും കമന്‍റുകളായുമാണ് ഗാനങ്ങൾ നേരിട്ടത്. അതിനാൽ തന്നെ പുതിയ ഗാനം ഫേസ്ബുക്കിലൂടെയാണ് പുറത്തുവിട്ടിരിക്കുന്നത്. ഗാനത്തിനെ കമൻ്റിലൂടെയാണ് ആക്രമിക്കുന്നത്.


കസബയുമായി ബന്ധപ്പെട്ട് പാര്‍വതി നടത്തിയ ചില പരാമര്‍ങ്ങളെ തുടര്‍ന്നുണ്ടായ വിവാദങ്ങളുടെ പശ്ചാത്തലത്തിലാണ് ഗാനത്തിനു നേരേ സൈബര്‍ ആക്രമണം നേരിട്ടത്. ബോയ് കട്ട ലുക്കിലാണ് പാർവതി ഗാനത്തിൽ പ്രത്യക്ഷപ്പെടുന്നത്.