കോളേജ് കാല ഗൃഹാതുരതയെ തൊട്ടുണര്‍ത്തി 'പൂമര'ത്തിലെ പുതിയ ഗാനം

ആരാധകരുടെ ഏറെ കാലത്തെ കാത്തിരിപ്പിനു വിരാമമിട്ടു കൊണ്ട് തീയേറ്ററുകളിലെത്തിയ പൂമരത്തിലെ പുതിയ ഗാനം പുറത്തുവിട്ടു. ഇനി ‘ഒരു കാലത്തേക്ക് ഒരു പൂ വിടര്‍ത്തുവാന്‍ ഇവിടെ ഞാന്‍ ഈ മരം നട്ടൂ’ എന്നു തുടങ്ങുന്ന ഗാനമാണ് അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്. ​ നായകന്‍ കാളിദാസ് ജയറാം ഗാനം ആലപിക്കുന്നതായാണ് ഗാനരംഗം ചിത്രീകരിച്ചിരിക്കുന്നത്. ഗാനം ഇതിനോടകം തന്നെ വൈറലാണ്.

മഹാരാജാസ് കോളേജിന്‍റെ ഇടനാഴിയും ക്യാമ്പസും മഴയുമെല്ലാം ഗാനരംഗത്തിൟ നിറഞ്ഞു നില്‍ക്കുന്നു. മഹാരാജാസ് കോളേജിലെ പൂര്‍വ്വ വിദ്യാര്‍ഥിയും കവിയുമായ അജീഷ് ദാസനാണ് ഗാനത്തിന് വരികളെഴുതിയിരിക്കുന്നത്. ലീല ഗിരികുട്ടന്‍ സംഗീതം നല്‍കിയിരിക്കുന്ന ഗാനം കാര്‍ത്തിക്കാണ് ആലപിച്ചിരിക്കുന്നത്.